Click it and Unblock the Notifications
ഷാരൂഖിനെതിരെ അമീറിന്റെ ഒളിയമ്പ്
ഇടക്കിടെ പലവിഷയങ്ങളിലും ഇവര് പ്രസ്താവനകളും എതിര് പ്രസ്താവനങ്ങളും ഇറക്കാറുണ്ട്. രണ്ടുപേരും തങ്ങളുടെ പേരുകളും കാര്യങ്ങളുമൊന്നും പറയാതെ വളരെ അലക്ഷ്യമായിട്ടാണ് വിമര്ശനങ്ങള് ഉന്നയിക്കാറുള്ളത്. പക്ഷേ എല്ലാം കൊള്ളേണ്ടിടത്തുതന്നെ കൊള്ളുമെന്നതാണ് സത്യം.
ഇപ്പോള് കുറച്ചുനാളായി രണ്ടുപേരും മൗനത്തിലായിരുന്നു. എന്നാല് ഷാരൂഖിന്റെ പുതിയ ചിത്രമായ റാ വണ് പുറത്തുവരാനിരിക്കുന്നതിന് മുന്നോടിയായി വീണ്ടും ഇവര് പ്രസ്താവനകളുമായി രംഗത്തെത്തി.
ഇടവേളയ്ക്കു ശേഷം അമീര്ഖാനാണ് ഇപ്പോള് വെടിപൊട്ടിച്ചിരിക്കുന്നത്. ആകാശത്തില് പറന്നു നടക്കുകയും വാഹനങ്ങള് കൈയ്യിലെടുത്ത് അമ്മാനമാടുകയും ചെയ്യുന്ന അതിമാനുഷിക കഥാപാത്രങ്ങള് ചെയ്യാന് തനിക്കു താത്പര്യമില്ലെന്നാണ് അമീര് ഖാന് പറഞ്ഞിരിക്കുന്നത്.
പ്രേക്ഷകരുടെ കൂടെ നിന്ന് അവരുടെ ജീവിതവും കഥകളും അവതരിപ്പിക്കാനും അവരിലൊരാളായി മാറാനുമാണ് ആഗ്രഹമെന്ന് വിശദീകരിക്കാനും അമീര് മറന്നില്ല.
അമീറിന്റെ ലക്ഷ്യം റാവണാണെന്ന് കേട്ടവര്ക്കെല്ലാം മനസ്സിലായിട്ടുണ്ട്. ഇനി ഇക്കാര്യത്തില് കിങ് ഖാന് എന്തുപറയുമെന്നറിയാന് കാത്തിരിക്കുകയാണ് ആരാധകര്. എന്തായാലും അമീര് ഇപ്പറഞ്ഞതുകേട്ട് ഷാരൂഖ് വെറുതെയിരിക്കില്ലെന്നകാര്യം വ്യക്തമാണല്ലോ.
Continue with Google