കാസനോവ ബോളിവുഡിലേയ്ക്ക്

By Nisha Bose

| Published: Saturday, January 28, 2012, 14:59 [IST]

മലയാളത്തിലെ ഏറ്റവും ചെലവേറിയ ചിത്രമെന്ന വിശേഷണവുമായി തീയേറ്ററുകളിലെത്തിയ കാസനോവ ഹിന്ദിയിലേയ്ക്ക് റീമേയ്ക്ക് ചെയ്യുന്നു. റോഷന്‍ ആന്‍ഡ്രൂസ് തന്നെയാണ് ബോളിവുഡിലും ചിത്രമൊരുക്കുന്നത്.

മലയാളം കാസനോവയുടെ പ്രധാന ലൊക്കേഷന്‍ ദുബയും ബാങ്കോങ്ങുമായിരുന്നെങ്കില്‍ ബി ടൗണിലെ കാസനോവയുടെ പ്രണയഭൂമി അര്‍ജന്റീനയും ജോഹന്നാസ്ബര്‍ഗുമാണ്.

അമീര്‍ ഖാനാവും കാസിനോവയാവുക എന്ന് സൂചനയുണ്ട്. മലയാളത്തില്‍ തിരക്കഥയൊരുക്കിയ സഞ്ജയ്-ബോബി ടീം തന്നെയാവും ഹിന്ദിയിലും തിരക്കഥയൊരുക്കുക.

ഫെബ്രുവരി ആദ്യവാരത്തോടെ ചിത്രീകരണത്തിനായി റോഷന്‍ ആന്‍ഡ്രൂസും സഞ്ജയും ജോഹന്നാസ്ബര്‍ഗിലേയ്ക്ക് തിരിക്കും. ഇതോടെ പൃഥ്വിരാജിനെ നായകനാകുന്ന റോഷന്‍ ആന്‍ഡ്രൂസ് ചിത്രം മുംബൈ പൊലീസ് വൈകുമെന്നാണ് അറിയുന്നത്.