മുന്നാഭായിയുടെ പണിപോകും?

By Ajith Babu

Published: Saturday, July 30, 2011, 16:03 [IST]

മൂന്നാംവരവില്‍ മുന്നാഭായിക്കും സര്‍ക്യൂട്ടിനും പകരക്കാരെ തേടുന്നു. മുന്നാഭായിയായി തകര്‍ത്തഭിനയിച്ച സഞ്ജയ്ദത്തിനും സര്‍ക്യൂട്ട് അര്‍ഷദ് വാര്‍സിയ്ക്കുമാണ് നിര്‍മാതാവ് വിധുവിനോദ് ചോപ്ര പുതിയമുഖങ്ങളെ തേടുന്നത്. പ്രായമേറുന്നതോടെ ഇവര്‍ കഥാപത്രത്തിനിണങ്ങാത്തവരായി മാറിയെന്ന് കണ്ടാണ് പുതിയ താരങ്ങളെ തേടുന്നത്.

അതേ സമയം 'മുന്നാഭായി ചലേ അമേരിക്ക' എന്ന മൂന്നാംഭാഗം ഉപേക്ഷിച്ചുവെന്നും റിപ്പോര്‍ട്ടുകളുണ്ട്. പകരം മറ്റൊരു തിരക്കഥ തയ്യാറായിട്ടുണ്ട്. തിരക്കഥയുമായി സഹകരിക്കുമെങ്കിലും സംവിധാനം രാജ്കുമാര്‍ ഹിറാനി ആകില്ലെന്നും ഏതാണ്ട് തീരുമാനമായിട്ടുണ്ട്.

കൈറ്റ്‌സ് ഫെയിം അനുരാഗ് ബസുവും ഹബീബ് ഫൈസലും (ദോ ധൂനി ചാര്‍) മുന്നാഭായിയും സര്‍ക്യൂട്ടുമായി രംഗത്തെത്തുമെന്നാണ് കരുതപ്പെടുന്നത്. എന്തായാലും പുതിയ മുന്നാഭായിയെ ആരാധകര്‍ സ്വീകരിയ്ക്കുമോയെന്ന കാര്യം കണ്ടുതന്നെ അറിയണം.

More from Filmibeat