ബിഗ് ബോസില്‍ നിന്നും ഗര്‍ഭിണിയാണെന്ന് പറഞ്ഞതാണ്; പക്ഷേ അത് നഷ്ടപ്പെട്ടു, രാഖി സാവന്തിന്റെ അവസ്ഥയിങ്ങനെ

മറാത്തി ബിഗ് ബോസില്‍ നിന്നും പുറത്ത് വന്നതേയുള്ളു രാഖി സാവന്ത്. ഇവിടെ പങ്കെടുക്കുന്നതിനിടെ രാഖി ഗര്‍ഭിണിയാണെന്ന് അറിഞ്ഞതായും എന്നാല്‍ അത് അലസി പോയതായിട്ടുമാണ് ഒരു ചാറ്റില്‍ നടി വ്യക്തമാക്കിയത്. അടുത്തിടെ ഗര്‍ഭിണിയാവുന്നതിനെ കുറിച്ചും അബോര്‍ഷനെ കുറിച്ചുമൊക്കെ രാഖി തുറന്ന് സംസാരിച്ചിരുന്നു. ഈ വീഡിയോ സോഷ്യല്‍ മീഡിയ പേജിലൂടെ വൈറലായതോടെ രാഖിയെ പറ്റി കൂടുതല്‍ വിശേഷങ്ങളും ചര്‍ച്ചയായി.

Also Read: വയസ് 40 ആയി, ഇതുവരെ അനുഭവിക്കാത്ത പ്രശ്‌നമാണ് ഇപ്പോഴുണ്ടായത്; മിഡ് ലൈഫ് ക്രൈസസാണെന്ന് രഞ്ജിനി ഹരിദാസ്

'ശരിയാണ്, ഞാന്‍ ഗര്‍ഭിണിയാണ്. ബിഗ് ബോസ് മറാത്തിയില്‍ പങ്കെടുക്കുമ്പോള്‍ ഇക്കാര്യം ഞാന്‍ പ്രഖ്യാപിച്ചിരുന്നു. പക്ഷേ എല്ലാവരും അതൊരു തമാശയായി കരുതി. ആരും സീരിയസായി എടുത്തിരുന്നില്ല', എന്നുമാണ് രാഖി പറഞ്ഞത്. ഇതിന് ശേഷമാണ് തനിക്ക് ഗര്‍ഭം അലസി പോയതായി പറഞ്ഞ് നടി എത്തിയത്.

'രാഖി സാവന്ത് എല്ലായിപ്പോഴും ചിരിപ്പിക്കാറുണ്ട്. എന്നാല്‍ അവളെ എല്ലാവരും നിസാരയായിട്ടാണ് കാണുന്നത്. ഖേദകരമെന്ന് പറയട്ടെ, ആ സ്ത്രീ ഇപ്പോള്‍ വേദനകളിലൂടെയാണ് കടന്ന് പോകുന്നത്. അവള്‍ മഴയത്ത് നിന്നത് പോലെ കരയുകയാണ്. അമ്മയുടെ ആരോഗ്യ പ്രശ്‌നങ്ങളും വ്യക്തി ജീവിതത്തിലെ പ്രശ്‌നങ്ങള്‍ക്കും നടുവിലാണ് ഈ വാര്‍ത്ത വരുന്നത്',. എന്നുമാണ് രാഖിയെ കുറിച്ച് സമൂഹ മാധ്യമങ്ങളിലൂടെ പുതിയതായി വന്ന റിപ്പോര്‍ട്ടില്‍ പറയുന്നത്.

മുന്‍പ് വിവാഹിതയായിട്ടുണ്ടെങ്കിലും അതെല്ലാം ഗുരുതര പ്രശ്‌നങ്ങളിലേക്കാണ് രാഖി സാവന്തിനെ എത്തിച്ചത്. റിതേഷ് മുഖര്‍ജിയുമായിട്ടുള്ള നടിയുടെ വിവാഹം നിയമപരമായിരുന്നില്ല. അദ്ദേഹം നേരത്തെ വിവാഹിതനും ആ ബന്ധത്തില്‍ കുട്ടികളുമൊക്കെ ഉള്ള ആളുമായിരുന്നു. ഇക്കാര്യം അറിഞ്ഞതോടെയാണ് രാഖി ബന്ധത്തില്‍ നിന്നും പിന്മാറുന്നത്. അധികം വൈകാതെ ആദില്‍ ദുറാനി എന്നയാളുമായി നടി ഇഷ്ടത്തിലായി. വൈകാതെ ഇരുവരും വിവാഹം കഴിക്കുകയായിരുന്നു.

രണ്ട് മതവിഭാഗത്തില്‍ നിന്നുള്ളവര്‍ ആയതിനാല്‍ രജിസ്റ്റര്‍ മ്യാരേജ് നടത്തുകയായിരുന്നു. ശേഷം ഇക്കാര്യം വളരെ രഹസ്യമാക്കി വെച്ചു. ആദിലിന്റെ സഹോദരിയുടെ കല്യാണം നടക്കാത്തത് കൊണ്ടാണ് ഇക്കാര്യം മറച്ച് വെച്ചതെന്നാണ് ആദ്യം പറഞ്ഞത്. എന്നാല്‍ അദ്ദേഹം ഇത് അംഗീകരിക്കാത്തത് രാഖിയെ വല്ലാതെ ബാധിച്ചു. ഇക്കാര്യം പറഞ്ഞ് നടി കരയുകയും മാധ്യമങ്ങള്‍ക്ക് മുന്നില്‍ വരികയുമൊക്കെ ചെയ്തിരുന്നു.