ചാര്‍ലിയ്ക്കും പുലിമുരുകനും പോലും കിട്ടിയില്ല, ആമീര്‍ ഖാന്റെ ദംഗലിന് വമ്പന്‍ സ്വീകരണം!

റെക്കോര്‍ഡ് തകര്‍ത്തു

ഡിസംബര്‍ 23ന് തിയേറ്ററുകളില്‍ എത്തിയ ദംഗലിന് ഏറ്റവും മികച്ച പ്രതികരണമാണ് ലഭിച്ച് വരുന്നത്. കൊച്ചി മള്‍ട്ടിപ്ലക്‌സുകളില്‍ നിന്ന് ഏറ്റവും കളക്ഷന്‍ സ്വന്തമാക്കിയ ദുല്‍ഖറിന്റെ ചാര്‍ലിയുടെയും മോഹന്‍ലാലിന്റെ പുലിമുരുകന്റെയും റെക്കോര്‍ഡാണ് ദംഗല്‍ തകര്‍ത്തത്.

മൂന്ന് ദിവസംകൊണ്ട്

55 കോടിയാണ് ദംഗല്‍ കൊച്ചി മള്‍ട്ടിപ്ലക്‌സുകളില്‍ നിന്ന് നേടിയത്. ചാര്‍ലിയും പുലിമുരുകനും നാല് ദിവസംങ്ങള്‍കൊണ്ടാണ് കൊച്ചി മള്‍ട്ടിപ്ലക്‌സുകളില്‍ നിന്ന് അരക്കോടി നേടിയത്.

ആദ്യ ബോളിവുഡ് ചിത്രം

കൊച്ചി മള്‍ട്ടിപ്ലക്‌സുകളില്‍ നിന്ന് ഏറ്റവും വേഗത്തില്‍ അരക്കോടി നേടുന്ന ബോളിവുഡ് ചിത്രം എന്ന റെക്കോര്‍ഡാണ് ഇപ്പോള്‍ ദംഗല്‍ സ്വന്തമാക്കിയത്. ഫോറം കേരളയുടെ കണക്ക് പ്രകാരം മൂന്ന് ദിവസംകൊണ്ടാണ് ചിത്രം 50 ലക്ഷം നേടിയതെന്നാണ് റിപ്പോര്‍ട്ട് ചെയ്യുന്നത്.

കബാലിക്ക് പിന്നാലെ

രജനികാന്തിന്റെ കബാലിയാണ് ഇപ്പോള്‍ മുന്നില്‍. വെറും രണ്ട് ദിവസംകൊണ്ടാണ് കബാലി തിയേറ്ററുകളില്‍ 50 ലക്ഷം പിന്നിട്ടത്.