ബച്ചന്റെ പിറന്നാളിന് ഐശ്വര്യ പാര്‍ട്ടി ഒരുക്കിയിരുന്നു.. ജയ ബച്ചനാണ് വേണ്ടെന്നു വെച്ചത്.. കാരണം??

ഐശ്വര്യയുടെ അച്ഛന്റെ മരണം

അടുത്തിടെയാണ് ഐശ്വര്യ റായിയുടെ അച്ഛന്‍ മരിച്ചത്. കുടുംബത്തിലെ ഒരാളുടെ വേര്‍പാടിനു ശേഷം അടുത്തു തന്നെ ആഘോഷ പരിപാടികള്‍ നടത്തേണ്ടതില്ലെന്ന തീരുമാനത്തിലായിരുന്നു അമിതാഭ് ബച്ചന്‍.

വേദന മറന്ന് പാര്‍ട്ടി ഒരുക്കി

അച്ഛന്‍ നഷ്ടപ്പെട്ട വേദനയുണ്ടെങ്കിലും അമ്മായി അച്ഛന്റെ 75ാം പിറന്നാളിന് ഐശ്വര്യ പാര്‍ട്ടി ഒരുക്കിയിരുന്നു. കുടുംബാംഗങ്ങള്‍ എല്ലാവരെയും ഉള്‍പ്പെടുത്തിയുള്ള ആഘോഷമായിരുന്നു മരുമകള്‍ ലക്ഷ്യമിട്ടത്.

ഐശ്വര്യയോട് പറയാതെ പാര്‍ട്ടി ഒഴിവാക്കി

ഐശ്വര്യ റായി ഒരുക്കിയ പാര്‍ട്ടി ജയ ബച്ചനാണ് ക്യാന്‍സല്‍ ചെയ്തത്. എന്തുകൊണ്ടാണ് ആഘോഷം വേണ്ടെന്ന് വെച്ചതിനെക്കുറിച്ച് മരമുകളെ ഇരുവരും അറിയിച്ചിരുന്നില്ല.

അമിതാഭ് ബച്ചന്റെ ആഗ്രഹം

പാര്‍ട്ടിയോട് താല്‍പര്യമില്ലെങ്കിലും പിറന്നാള്‍ ദിനത്തില്‍ കുടുംബാംഗങ്ങളെല്ലാം ഒരുമിച്ചുണ്ടാവണമെന്ന ആഗ്രഹത്തിലായിരുന്നു ബച്ചന്‍. മുംബൈക്ക് പുറത്ത് വെക്കേഷന്‍ പ്ലാന്‍ ചെയ്യാനായിരുന്നു അദ്ദേഹത്തിന് താല്‍പര്യമുണ്ടായിരുന്നത്.

ചോദ്യങ്ങളെ അവഗണിക്കാന്‍

മുംബൈയില്‍ തുടരുകയാണെങ്കില്‍ പിറന്നാള്‍ ആഘോഷം ഒഴിവാക്കിയതിനെക്കുറിച്ചുള്ള ചോദ്യങ്ങള്‍ നേരിടേണ്ടി വരുമെന്ന് മനസ്സിലാക്കിയതിനെത്തുടര്‍ന്നാണ് ഇവര്‍ സകുടുംബം മാലി ദ്വീപിലേക്ക് പോയതെന്നും കുടുംബത്തോട് അടുത്ത വൃത്തങ്ങള്‍ പറയുന്നു.

ചിത്രങ്ങള്‍ പുറത്തുവിട്ടു

പതിവില്‍ നിന്നും വ്യത്യസ്തമായി കുടുംബാഗംങ്ങള്‍ക്കൊപ്പം മാത്രമായാണ് ഇത്തവണ അമിതാഭ് ബച്ചന്‍ പിറന്നാള്‍ ആഘോഷിച്ചത്. മാലി ദ്വീപിലെ വെക്കേഷനിടയിലെ ആഘോഷ ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചിരുന്നു.