രണ്‍ബീറിനോടൊപ്പമുള്ള ചൂടന്‍ രംഗങ്ങള്‍ ഐശ്വര്യയ്ക്ക് വിനയായി.. ജയ ബച്ചന് കലിയടങ്ങുന്നില്ല!

കിടപ്പറ രംഗങ്ങളോട് നോ പറഞ്ഞ് ഐശ്വര്യ റായ്

മുന്‍പ് യാതൊരു തരത്തിലുള്ള നിബന്ധനയും ഐശ്വര്യ സംവിധായകര്‍ക്ക് മുന്നില്‍ വെച്ചിരുന്നില്ല. തിരക്കഥയ്ക്ക് അനുസരിച്ചുള്ള രംഗങ്ങളില്‍ അഭിനയിക്കാന്‍ താരം തയ്യാറായിരുന്നു. എന്നാല്‍ ഇപ്പോള്‍ താരം തന്റെ തീരുമാനം ആകെ മാറ്റിയിരിക്കുകയാണ്.

രണ്‍ബീറുമായുള്ള ചൂടന്‍ രംഗങ്ങള്‍

ഐശ്വര്യ റായിയും രണ്‍ബീര്‍ കപൂറും നായികാ നായകന്‍മാരായെത്തിയ ഏ ദില്‍ കേ മുഷ്‌കില്‍ എന്ന ചിത്രത്തിലെ ചൂടന്‍ രംഗങ്ങള്‍ ബച്ചന്‍ കുടുംബത്തെ അസ്വസ്ഥമാക്കിയിരുന്നു. ഇനിയങ്ങോട്ട് അത്തരം രംഗങ്ങളോട് മുഖം തിരിച്ച് നില്‍ക്കാനുള്ള തീരുമാനത്തിലാണ് ആഷ് ഇപ്പോള്‍ എന്നാണ് ബോളിവുഡില്‍ നിന്നുള്ള റിപ്പോര്‍ട്ടുകള്‍.

ഫെന്നിഖാന്‍ സിനിമയിലെ രംഗങ്ങള്‍

ഫെന്നിഖാന്‍ ചിത്രത്തിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. ചിത്രത്തില്‍ അത്തരത്തിലുള്ള നിരവധി രംഗങ്ങളുണ്ട്. രാജ് കുമാറാണ് ചിത്രത്തിലെ നായകന്‍.

അഭിനയിക്കാന്‍ വിസമ്മതിച്ചു

നായകനുമായി ഇഴുകിച്ചേര്‍ന്ന് അഭിനയിക്കുന്നതിന് ഐശ്വര്യ വിസമ്മതിച്ചുവെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

സ്വന്തം നിലപാട് വ്യക്തമാക്കുന്നു

നായകനുമായി ഇഴുകിച്ചേര്‍ന്നുള്ള രംഗങ്ങളും കിടപ്പറ രംഗങ്ങളിലും അഭിനയിക്കില്ലെന്ന തീരുമാനത്തിലാണ് ഐശ്വര്യ ഇപ്പോള്‍. ഇത്തരമൊരു തീരുമാനം എടുത്തതിന് പിന്നിലെ കാരണം അറിയാനായി കാത്തിരിക്കുകയാണ് ആരാധകര്‍.

ചുംബന രംഗങ്ങളില്‍ അഭിനയിക്കുമ്പോള്‍ ഭയം

ചുംബന രംഗങ്ങള്‍ക്ക് നേരെ മുഖം തിരിച്ച് നില്‍ക്കുകയാണ് താരം ഇപ്പോഴെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്. ഫെന്നിഖാന്‍ ചിത്രത്തില്‍ അഭിനയിക്കുന്നതിനിടയില്‍ തന്റെ ആശങ്ക താരം തന്നെ അണിയറ പ്രവര്‍ത്തകരുമായി പങ്കുവെക്കുകയും ചെയ്തുവത്രേ.

പ്രഥമ പരിഗണന കുടുംബത്തിന്

ബോളിവുഡിലെ നമ്പര്‍ വണ്‍ താരറാണിയാണെങ്കിലും ബച്ചന്‍ കുടുംബത്തിലെ മരുമകളായതോടു കൂടി ഐശ്വര്യ തന്റെ ചിന്താഗതികള്‍ക്കൊക്കെ മാറ്റം വരുത്തിയിരുന്നു. കുടബംത്തിന് പരിഗണന നല്‍കാന്‍ തുടങ്ങിയ താരം മറ്റുള്ളവരുടെ അഭിപ്രായത്തെ മാനിക്കാനും തുടങ്ങി.

അമ്മായിഅമ്മയുടെ ശാസന

അഭിഷേക് ബച്ചന്റെ മരുമകളായാണ്. ഐശ്വര്യ ബച്ചന്‍ കുടുംബത്തിലെത്തിയത്. താരത്തിന്റെ ചൂടന്‍ രംഗങ്ങള്‍ കണ്ട് ജയ ബച്ചന്‍ വിമര്‍ശിച്ചിരുന്നു. മുന്‍പ് സിനിമയ്ക്ക് വേണ്ടിയായിരുന്നു കിടപ്പറ രംഗങ്ങളും ചുംബനവുമൊക്കെ ഉള്‍പ്പെടുത്തിയിരുന്നത്. ഇന്നത് കച്ചവടത്തിന്റെ ഭാഗമായി മാറിയെന്നും താരമാതാവ് പറയുന്നു.

അമിതാഭ് ബച്ചനും മുഖം തിരിച്ചു

മരുമകളും രണ്‍ബീര്‍ കപൂറും ഇഴുകിച്ചേര്‍ന്ന് അഭിനയിച്ച രംഗങ്ങള്‍ അടങ്ങിയ ചിത്രത്തിന് നേരെ ബിഗ് ബിയും മുഖം തിരിച്ചിരുന്നു. ചിത്രത്തിന്റെ ട്രെയിലറോ ടീസറോ കാണാന്‍ പോലും അദ്ദേഹം കൂട്ടാക്കിയിരുന്നില്ല.

ഒഴിവാക്കാന്‍ ആവശ്യപ്പെട്ടിരുന്നു

ചിത്രത്തിലെ ചുംബന രംഗങ്ങളും കിടപ്പറ സീനുമൊക്കെ ഒഴിവാക്കുന്നതിനായി ബച്ചന്‍ കുടുംബം സംവിധായകനോട് ആവശ്യപ്പെട്ടിരുന്നുവെന്നും റിപ്പോര്‍ട്ടുകളുണ്ട്.