ഐശ്വര്യ റായി ഈ വര്‍ഷം ദീപാവലി ആഘോഷിക്കില്ല, കാരണം എന്താണെന്നറിയാമോ?

ഓരോ വര്‍ഷവും ബച്ചന്‍ കുടുംബത്തിലെ ദീപാവലി ബോളിവുഡ് സിനിമാ ലോകത്തിന് ആഘോഷമാണ്. എല്ലാ സിനിമാ സുഹൃത്തുക്കളെയും ബന്ധുക്കളെയുമൊക്കെ ക്ഷണിച്ച് ആഘോഷമായി ബച്ചനും കുടുബവും ദീപാവിലി കൊണ്ടാടും.

എന്നാല്‍ ഈ വര്‍ഷം ഐശ്വര്യ റായി അത്തരം ആഘോഷങ്ങളില്‍ നിന്നെല്ലാം വിട്ടു നില്‍ക്കുകയാണെന്ന് വാര്‍ത്തകള്‍. ഇക്കഴിഞ്ഞ മാര്‍ച്ചിലാണ് ഐശ്വര്യ റായിയുടെ അച്ഛന്‍ കൃഷ്ണരാജ് റായി അസുകം ബാധിച്ച് നമരിച്ചത്. ആ വേര്‍പാടില്‍ നിന്ന് ആഷ് ഇനിയും കരകയറിയിട്ടില്ല.

ഇത്തവണ ദ്വീപാവലി ആഘോഷമില്ല എന്ന് അമിതാഭ് ബച്ചന്‍ തന്നെയാണ് ട്വിറ്ററിലൂടെ അറിയിച്ചത്. അതിന് പറ്റിയ ഒരു സാഹചര്യത്തിലല്ല ഉള്ളത് എന്നാണ് ബച്ചന്റെ വിശദീകരണം. ഒക്ടോബര്‍ 21 ന് അമിതാഭ് ബച്ചന്റെ പിറന്നാളായിരുന്നു. ഈ വര്‍ഷത്തെ പിറന്നാള്‍ ആഘോഷവും ബച്ചന്‍ വേണ്ട എന്ന് വച്ചത് വാര്‍ത്തയായിരുന്നു.

അതേ സമയം ആഘോഷ ദിവസം എല്ലാവരും ഒത്തു ചേരും. ബച്ചന്‍ കുടുംബത്തിനൊപ്പം ആഷിന്റെ അമ്മയും പങ്കെടുക്കും. എന്നാല്‍ എല്ലാ വര്‍ഷത്തെയും പോലെയുള്ള പാര്‍ട്ടിയും ബഹളങ്ങളും ഒന്നും ഉണ്ടാവില്ല എന്നാണ് റിപ്പോര്‍ട്ടുകള്‍.