റാണി മുഖര്‍ജിയുടെ ജീവിതം മാറ്റി മറിച്ച ആ സിനിമ ഐശ്വര്യാ റായ് വേണ്ടെന്നു വെച്ചതായിരുന്നു!

ഐശ്വര്യ നിരസിച്ച സിനിമ

തുടക്കത്തില്‍ നായികയായി സംവിധായകന്‍ മനസ്സില്‍ കണ്ടിരുന്നത് ഐശ്വര്യയെ ആയിരുന്നു. എന്നാല്‍ ഈ ചിത്രത്തില്‍ അഭിനയിക്കാന്‍ താരം വിസമ്മതിക്കുകയായിരുന്നു. ഇത് തന്റെ സിനിമാ ജീവിതത്തെ തന്നെ മാറ്റി മറിച്ച സംഭവമായിരുന്നുവെന്ന് താരം പറയുന്നു.

ആ ചിത്രം ഇതായിരുന്നു

കുഛ് കുഛ് ഹോത്താഹെ എന്ന ചിത്രമായിരുന്നു അത്. തന്റെ സിനിമാ ജീവിതത്തില്‍ തന്നെ ആകെ വഴിത്തിരിവായ ചിത്രമായിരുന്നു ഇത്. ഈ ചിത്രത്തെ മാറ്റി നിര്‍ത്തി തന്റെ കരിയറിനെക്കുറിച്ച് സംസാരിക്കാന്‍ കഴിയില്ലെന്ന് താരം പറയുന്നു.

തുടക്കക്കാരിയില്‍ നിന്നും പ്രതീക്ഷിച്ചില്ല

ഷാരൂഖ് ഖാനും കജോളും തിളങ്ങി നിന്നിരുന്ന സമയത്തായിരുന്നു ആ ചിത്രം പുറത്തിറങ്ങിയത്. ബോക്‌സോഫീസില്‍ റെക്കോര്‍ഡുകള്‍ സൃഷ്ടിച്ച ചിത്രം കൂടിയായിരുന്നു അത്. തുടക്കക്കാരിയില്‍ നിന്നും ഇത്ര മികച്ച പ്രകടനം പ്രേക്ഷകര്‍ പ്രതീക്ഷിച്ചിരുന്നില്ല.

പ്രശസ്തയാക്കിയ ഗാനം

ചിത്രത്തിലെ ഗാനങ്ങള്‍ ഏറ െപ്രശസ്തമായിരുന്നു. ചിത്രം പുറത്തിറങ്ങിയ സമയത്ത് കണ്ടാല ഗേള്‍ എന്നായിരുന്നു ചിലര്‍ തന്നെ വിശേഷിപ്പിച്ചത്. പാട്ടുകളുടെ രംഗവും മികച്ച രീതിയിലാണ് ചിത്രീകരിച്ചത്.

സൂപ്പര്‍ താരങ്ങള്‍ക്കൊപ്പം അഭിനയിക്കാന്‍ സാധിച്ചു

പ്രത്യേകിച്ച് ഒരു താരത്തിനൊപ്പം എന്നതിനും അപ്പുറത്ത് മുന്‍നിര താരങ്ങള്‍ക്കൊപ്പമെല്ലാം അഭിനയിക്കാനുള്ള ഭാഗ്യം ഇരുപതു വര്‍ഷത്തെ സിനിമാജീവിതത്തില്‍ നിന്നും തനിക്ക് ലഭിച്ചിരുന്നുവെന്നും റാണി മുഖര്‍ജി പറയുന്നു.

ആത്മാര്‍ത്ഥതയ്ക്ക് മുന്നില്‍

ബോളിവുഡിലെ ഖാന്‍ ത്രയങ്ങളില്‍ എല്ലാവര്‍ക്കൊപ്പവും അഭിനയിക്കാനുള്ള അവസരം തനിക്ക് ലഭിച്ചിരുന്നുവെന്നും റാണി പറയുന്നു. ഷാരൂഖ് ഖാന്‍, സല്‍മാന്‍ ഖാന്‍, ആമിര്‍ ഖാന്‍ തുടങ്ങിയവര്‍ക്കൊപ്പം റാണി മുഖര്‍ജി അഭിനയിച്ചിരുന്നു.

തിരിച്ചുവരവിനെക്കുറിച്ച്

നീണ്ട ഇടവേളയ്ക്ക് ശേഷം സിനിമയിലേക്ക് തിരിച്ചെത്തുന്നതില്‍ സന്തോഷവതിയാണ് താനെന്ന് റാണി മുഖര്‍ജി പറയുന്നു.ചിത്രത്തെക്കുറിച്ച് ഓര്‍ത്ത് ആകെ ടെന്‍ഷനുണ്ടെന്നും താരം പറയുന്നു.

ഇടവേള എടുത്തതിന് പിന്നില്‍

വിവാഹത്തിന് ശേഷവും സിനിമയില്‍ സജീവമായിരുന്നു താരം. പ്രസവത്തോടനുബന്ധിച്ചാണ് സിനിമയില്‍ നിന്നും മാറി നിന്നത്. രണ്ടു വര്‍ഷത്തെ ഇടവേളയ്ക്ക് ശേഷമാണ് വീണ്ടും ക്യാമറയെ അഭിമുഖീകരിക്കുന്നത്.