ബോളിവുഡ് സൂപ്പര്‍താരം മരിച്ചുവെന്ന് സോഷ്യല്‍ മീഡിയ, പ്രചരിക്കുന്നത് ബിഗ്ബിയുടെ ചിത്രം

സൈബര്‍ ആക്രമണം ഇതാദ്യമായല്ല

രാഷ്ട്രീയ സാമൂഹ്യ സിനിമാ മേഖലയിലെ പലരെയും ഇത്തരത്തില്‍ സോഷ്യല്‍ മീഡിയ മുന്‍പും കൊന്നിട്ടുണ്ട്. പ്രമുഖ താരങ്ങള്‍ ആശുപത്രിയിലുള്ള ചിത്രത്തിനോടൊപ്പം മരിച്ചുമെന്നുമുള്ള വാര്‍ത്തകളുള്‍പ്പടെയാണ് സമൂഹമാധ്യമങ്ങളിലൂടെ പ്രചരിപ്പിക്കുന്നത്. ബോളിവുഡിലെ സീനിയര്‍ സൂപ്പര്‍ സ്റ്റാറായ അമിതാഭ് ബച്ചനും കുടുംബത്തിനും നേരെ മുന്‍പും ഇത്തരത്തിലുള്ള ആക്രമണം ഉണ്ടായിട്ടുണ്ട്.

ഐശ്വര്യ അഭിഷേക് ബന്ധം പിരിയുന്നു

വിവാഹം കഴിഞ്ഞിട്ട് പത്തുവര്‍ഷമായി. മകള്‍ ആരാധ്യക്കൊപ്പം സന്തോഷത്തോടെ കഴിയുകയാണ് ഇരുവരും. ഇതിനിടയിലാണ് ഇരുവരും തമ്മില്‍ സ്വരച്ചേര്‍ച്ചയിലല്ലെന്നും ബന്ധം പിരിയാന്‍ പോകുന്നുവെന്നുമുള്ള വാര്‍ത്ത സമൂഹമാധ്യമങ്ങളിലൂടെ പ്രചരിച്ചത്.

ഐശ്വര്യ ആത്മഹത്യയ്ക്ക് ശ്രമിച്ചു

ആഷും അഭിയും തമ്മില്‍ സ്വരച്ചേര്‍ച്ചയിലല്ലെന്ന് പ്രചരിപ്പിച്ചതിന് പിന്നാലെയാണ് ആഷ് ആത്മഹത്യയ്ക്ക് ശ്രമിച്ചുവെന്ന തരത്തിലുള്ള പ്രചരണം നടത്തിയത്. ഇത്തരം വാര്‍ത്തകളൊന്നും ബിഗ്ബി കുടുംബത്തിന് പുത്തരിയല്ല. എന്നാല്‍ ഇരുവരുടേയും ആരാധകരാണ് ആശങ്കയില്‍ അകപ്പെടുന്നത്.

പ്രതികരിക്കാതെ ബിഗ്ബി കുടുംബം

തന്റെ കുടുംബത്തിനു നേരെ നടക്കുന്ന അപവാദ പ്രചരണങ്ങള്‍ ബിഗ്ബിയെയും ജയാ ബച്ചനെയും വിഷമത്തിലാക്കാറുണ്ട്. എന്നാല്‍ അത്യപൂര്‍വ്വമായി മാത്രമേ ഇവര്‍ പ്രതികരിക്കാറുള്ളൂ. ഐശ്വര്യയുടെ ആത്മഹത്യ വിവാദത്തില്‍ പ്രതികരണവുമായി ബച്ചന്‍ കുടുംബം മുന്നോട്ട് വന്നിരുന്നു.