ജീവിച്ചിരിക്കാൻ കാരണം അദ്ദേഹമാണ്!! ഹൃദയ സ്പർശിയായ കഥ പറഞ്ഞ് ബിഗ്ബി, കാണൂ

വികാരഭരിതനായി ബച്ചൻ

താക്കറെയുടെ ട്രെയിലർ ലോഞ്ചിനിടെയായിരുന്നു ആ സംഭവം ബച്ചൻ വെളിപ്പെടുത്തിയത്. ബാൽ താക്കറെയുമായുള്ള സൗഹൃദത്തെ കുറിച്ച് വെളിപ്പെടുത്തിയ ബച്ചൻ വികാരഭരിതനാവുകയായിരുന്നു. ഇപ്പോഴും താൻ ഭൂമിയിൽ ജീവിച്ചിരിക്കുന്നതിന്റെ കാരണം താക്കറെയാണെന്നും താരം വെളിപ്പെടുത്തി.

സിനിമ സെറ്റിൽവെച്ചുണ്ടായ അപകടം

1983 ൽ കൂലി എന്ന ചിത്രത്തിന്റെ സെറ്റിൽ വച്ച് തനിയ്ക്ക് വലിയൊരു അപകടം സംഭവിച്ചിരുന്നു. അപകടത്തിൽ ഗുരുതരമായ പരിക്കേറ്റിരുന്നു. അന്ന് തന്റെ ജീവൻ രക്ഷിച്ചത് ബാൽ താക്കറെയുടെ ആംബുലൻസാണ്. അന്ന് അത് ഇല്ലായിരുന്നുവെങ്കിൽ ഇന്ന് താൻ ജീവനോടെ ഉണ്ടാകില്ലായിരുന്നുവെന്നും ബച്ചൻ ട്രെയിലർ ലോഞ്ചിനിടെ പറഞ്ഞു. നടുവിന് ഗുരുതരമായ പരിക്കേറ്റ തന്നെ എത്രയും വേഗം ആശുപത്രിയിൽ എത്തിച്ചെങ്കിൽ മാത്രമേ ജീവൻ രക്ഷിക്കാൻ സാധിക്കു. എന്നാൽ മോശമായ കാലവസ്ഥയായതിൽ ആ പരിസരത്തൊന്നും ആംബുലൻസ് ലഭ്യമല്ലായിരുന്നു എന്ത് ചെയ്യണം എന്ന് അറിയാൻ പറ്റാതെ നിന്നപ്പോഴായിരുന്നു സഹായവുമായി ബാൽ താക്കറെ എത്തിയത്, ആംബുലൻസ് തന്നെ വേഗം ആശുപത്രിയിൽ എത്തിക്കുകയായിരുന്നു.

അടുത്ത സൗഹൃദം

തന്റെ ജീവിതത്തിലെ വളരെ അത്യാവശ്യമായ ഘട്ടത്തിൽ സാഹായിച്ചത് ബാലസാഹബ് ആയിരുന്നു. സാഹബിന്റെ പിന്തുണയുളളതു കൊണ്ടാണ് ഞാൻ ഇപ്പോഴും ജീവിച്ചിരിക്കുന്നത്. തങ്ങൾക്കിടയിൽ ഏറെ അടുപ്പവും സൗഹൃദവുമൊക്കെയുണ്ടായിരുന്നു. അദ്ദേഹത്തെ ഏറെ ബഹുമാനിക്കുകയും ആരാധിക്കുകയും ചെയ്യുന്നുണ്ടെന്നും താക്കറെ പറഞ്ഞു.

താക്കറെ കുടുംബവുമായി അടുത്ത ബന്ധം

ബാൽ താക്കറയ്ക്ക് തന്റെ കുടുംബവുമായി വഴരെ അടുത്ത ബന്ധമാണുള്ളത്. കല്യാണം കഴിഞ്ഞതു മുതൽ ജയാ ബച്ചനെ അദ്ദേഹം സ്വന്തം മരുമകളായിട്ടാണ് കണ്ടിരുന്നതെന്നും ബച്ചൻ കൂട്ടിച്ചേർത്തു.