ഷാരൂഖുമായി താൻ വളരെ കംഫേർട്ട് ആയിരുന്നു!! ആ സീറോ പ്രണയത്തെ കുറിച്ച് അനുഷ്ക ശർമ

ഭാഗ്യനായിക

ബോളിവുഡിലെ ശക്തമായ സ്ത്രീകഥാപാത്രങ്ങളിലൂടെ പ്രേക്ഷകർക്ക് മുന്നിൽ തിളങ്ങി നിൽക്കുന്ന താരമാണ് അനുഷ്ക ശർമ. തുടക്കം മുതൽ ഇതുവരെ ചെയ്ത കഥാപാത്രങ്ങളെല്ലാം സൂപ്പർ ഹിറ്റായിരുന്നു. സൂപ്പർസ്റ്റാർ ചിത്രങ്ങളിലൂടെയാണ് ബോളിവുഡിലെ മിക്ക താര സുന്ദരിമാരും അരങ്ങേറ്റം കുറിക്കുക. എന്നാൽ പുതിയ താരത്തിനോടെപ്പമെത്തി ബോളിവുഡിൽ ആദിപത്യം ഉറപ്പിച്ച നടിയാണ് അനുഷ്ക.നടി എന്നതിലുപരി നിർമ്മാണത്തിൽ താൻ മുന്നിൽ തന്നെയാണെന്ന് താരം തെളിയിച്ചു കൊടുത്തിട്ടുണ്ട്. ഷാരൂഖിന്റെ മാത്രമല്ല പല ബോളിവുഡ് താരങ്ങളുടേയും ഭാഗ്യ നായികയാണ് അനുഷ്ക. ഫ്ലോപ്പ്കളുടെയല്ല ഹിറ്റുകളുടെ കണക്കാണ് ഈ താരത്തിന് പറയാനുളളത്.

ഷാരൂഖുമായുളള പ്രണയം

ഇപ്പോൾ ബോളിവുഡിലെ ചർച്ച വിഷയം സീറോയിലെ ആ മനോഹരമായ പ്രണയഗാനമാണ്. പാട്ടിന് മികച്ച പ്രേക്ഷക സ്വീകാര്യതയായിരുന്നു ലഭിച്ചത്. ബോളിവുഡിലും യൂട്യൂബിലും ട്രെന്റിങ്ങിൽ ആദ്യ സ്ഥാനത്ത് നിൽക്കുന്നത് ഈ ഗാനമാണ്.. പ്രണയ പശ്ചാത്തലത്തിൽ ഒരുക്കിയിട്ടുള്ള അതിമനോഹരമായ ഗാനമാണിത്.ബോളിവുഡിൽ സാധാരണ കണ്ടു വരുന്ന പാറ്റേണിൽ നിന്ന് അൽപം വ്യത്യസ്തമായിട്ടാണ് ഈ ഗാനം ഒരുക്കിയിരിക്കുന്നത്.

ആ പ്രണയത്തെ കുറിച്ച് അനുഷ്ക

അതിമനോഹരമായ ഗാനമെന്നാണ് അനുഷ്ക വിശേഷിപ്പിച്ചത്. പാട്ട് പോലെ തന്നെ സിനിമയുടെ ചിത്രീകരണവും അതിമനോഹരമായിരുന്നുവത്രേ. ഒരു പ്രണയത്തിന് വേണ്ട എല്ലാ ചേരുവകളും യോജിപ്പിച്ചാണ് ആ പാട്ട് ഒരുക്കിയിരിക്കുന്നത്. കൂടാതെ ഷാരൂഖിനോടൊപ്പം ആ ഗാനത്തിൽ അഭിനയിക്കുന്നത് വളരെ കംഫേർട്ടബിൾ ആയിരുന്നുവെന്നും അനുഷ്ക പറയുന്നുണ്ട്. താൻ ഇതുവരെ ചെയ്ത പ്രണയഗാനങ്ങളിൽ ഏറ്റവും പ്രിയപ്പെട്ട ഗാനത്തിലൊന്നാണെന്നും താരം കൂട്ടിച്ചേർത്തു. 14 ദിവസം എടുത്താണ് പാട്ട് ചിത്രീകരിച്ചത്.

നിറയെ സർപ്രൈസ്

സീറോ പ്രേക്ഷകരുടെ കണ്ണുകൾക്ക് അതിമനോഹരമായ കാഴ്ചകൾ സമ്മാനിക്കുകയാണ്. ചിത്രത്തിന്റെ ഫസ്റ്റ് ലുക്ക് പോസ്റ്റർ മുതൽ ഏറ്റവും ഒടുവിൽ പുറത്തു വന്ന പാട്ട് വരെ പ്രേക്ഷകരെ സ്വാധീനിച്ചിട്ടുണ്ട്. ആദ്യം പുറത്തിറങ്ങിയ ഫസ്റ്റ് ലുക്ക് പോസ്റ്ററിനെ ചുറ്റിപ്പറ്റി വിവാദങ്ങൾ പുറത്തു വന്നിരുന്നു. എന്നാൽ ടീസറും പാട്ടിനും മികച്ച പ്രേക്ഷക പ്രതികരണമാണ് ലഭിക്കുന്നത്.ഇർഷാദ് കാമിലിന്റെ വരികൾക്ക് അജയ് അതുലാണ് സംഗീതം നൽകിയിരിക്കുന്നത്.അഭയ് ജോധാപർക്കർ ആണു ഗാനം ആലപിച്ചിരിക്കുന്നത്.