ബിപാഷ ബസുവിന് പാക് നായകന്‍

Published: Sunday, June 9, 2013, 13:39 [IST]

വിക്രം ഭട്ടിന്റെ പുതിയ ചിത്രമായ ക്രീച്ചര്‍ ത്രിഡിയില്‍ ബിപാഷ ബസുവിന്റെ നായകനായെത്തുന്നത് പാക് മോഡലും നടനുമായ ഇംറാന്‍ അബ്ബാസാണ്. ചിത്രത്തിന്റെ ഷൂട്ടിങ് ഇപ്പോള്‍ ഊട്ടിയില്‍ പുരോഗമിക്കുകയാണ്.

35 ദിവസം കൊണ്ട് ഷൂട്ടിങ് പൂര്‍ത്തിയാക്കാനാണ് പരിപാടി. ബിപാഷയെ പോലൊരുതാരത്തിനൊപ്പം അഭിനയിക്കുന്നത് രസകരമായ കാര്യമാണ്-ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ ഇംറാന്‍ അബ്ബാസ് പറഞ്ഞു.

പരീക്ഷണങ്ങള്‍ നടത്താനുള്ള വിക്രം ജിയുടെ ധൈര്യത്തെ സമ്മതിച്ചേ പറ്റൂ. തീര്‍ത്തും സമ്മര്‍ദ്ദമില്ലാത്ത രീതിയാണ് അദ്ദേഹത്തിന്റെത്. തീര്‍ച്ചയായും ഇത് ഒരു പുതുമുഖ താരത്തെ ഏറെ സഹായിക്കും.