ഈ നടിയെ വിവാഹം കഴിക്കാന്‍ ആഗ്രഹിച്ചിരുന്നു; പിറന്നാളിന് ജോണ്‍ എബ്രാഹിമിന്റെ പ്രണയകഥ വീണ്ടും വൈറല്‍

2014 ലാണ് പ്രിയ രുഞ്ജലുമായി ജോണ്‍ വിവാഹിതനാവുന്നത്. അന്ന് മുതലിങ്ങോട്ട് സന്തോഷത്തോടെ ഴിയുകയാണ് താരം. അതിന് മുന്‍പ് നടി ബിപാഷ ബസുവുമായി ഡേറ്റിങ്ങ് നടത്തിയിരുന്നതായിട്ടാണ് റിപ്പോര്‍ട്ടുകള്‍. ജിസം എന്ന ആദ്യ ചിത്രത്തില്‍ നായികയായി വന്നതോടെയാണ് ഇരുവരും തമ്മില്‍ അടുപ്പത്തിലാവുന്നത്. പിന്നീട് രണ്ട് പേര്‍ക്കും തിരിഞ്ഞ് നോക്കേണ്ടതായി വന്നിരുന്നില്ല. എന്നാല്‍ ബിപാഷയും ജോണും തമ്മില്‍ വേര്‍പിരിഞ്ഞു. ഇരുവരും തമ്മില്‍ ഏകദേശം പത്ത് വര്‍ഷത്തോളം ബന്ധമുണ്ടായിരുന്നതായിട്ടാണ് റിപ്പോര്‍ട്ടുകള്‍. എന്നാല്‍ പിന്നീട് കരണ്‍ സിംഗ് ഗ്രോവറുമായി പ്രണയത്തിലായ ബിപാഷ അദ്ദേഹത്തെ വിവാഹം കഴിച്ചു.

ഇതിനിടയിലാണ് ബംഗാളി നടിയായ റിയ സെന്നും ജോണ്‍ എബ്രഹാമും തമ്മില്‍ പ്രണയത്തിലാണെന്ന വാര്‍ത്ത പ്രചരിച്ചത്. ഇക്കാര്യം പലര്‍ക്കും അതൊന്നും അറിയില്ലെന്നതാണ് കൗതുകകരം. ബിപാഷയെ കാണുന്നതിന് മുന്‍പ് തൊണ്ണൂറുകളുടെ അവസാനത്തില്‍ ആയിരുന്നു രണ്ടാളും പ്രണയിച്ചത്. മോഡലിങ്ങിലാണ് റിയ ശ്രദ്ധ കേന്ദ്രീകരിച്ചത്. അതുകൊണ്ട് സിനിമയിലേക്ക് കാര്യമായി എത്തിയിരുന്നില്ല. മോഡലിങ്ങില്‍ വെച്ചാണ് ജോണും റിയയും അടുപ്പത്തിലാവുന്നത്.

രണ്ടാളും വിവാഹം കഴിച്ച് താമസിക്കാന്‍ ആഗ്രഹിച്ചെങ്കിലും അതും നടക്കാതെ പോവുകയായിരുന്നു. ബോളിവുഡിലെ മുന്‍നിര നായികയാക്കാം എന്ന് ജോണ്‍ പറഞ്ഞതോട് കൂടി റിയ അത് നിരസിക്കുകയായിരുന്നു. ഒടുവില്‍ ഇരുവരും വേര്‍പിരിഞ്ഞു. ആദ്യ സിനിമയ്ക്ക് ശേഷം ജോണ്‍ ബോളിവുഡിലെ മുന്‍നിര നായകനായി. എന്നാല്‍ റിയ ബംഗാളി സിനിമയിലേക്ക് മാത്രം ചുരുങ്ങി പോവുകയായിരുന്നു. ഏറെ കാലം നീണ്ട പ്രണയത്തിനൊടുവില്‍ 2017 ല്‍ റിയ കാമുകന്‍ ശിവം തിവാരിയെ വിവാഹം കഴിച്ചു. അടുത്ത കുടുംബം മാത്രം പങ്കെടുത്തൊരു ചടങ്ങായിരുന്നിത്.