26 മാറ്റങ്ങള്‍, ഒപ്പം പേരും മാറ്റണം! പത്മാവതിയ്ക്ക് കര്‍ശന നിബന്ധകളോടെ പ്രദര്‍ശനാനുമതി!

പത്മാവതി പ്രദര്‍ശനത്തിനെത്തും

പ്രതിസന്ധികളും വിവാദങ്ങളും മറികടന്ന് പത്മാവതിയ്ക്ക് പ്രദര്‍ശനത്തിനുള്ള അനുമതി ലഭിച്ചിരിക്കുകയാണ്. സെന്‍സര്‍ ബോര്‍ഡിന്റെ സര്‍ട്ടിഫിക്കറ്റ് സംബന്ധിച്ച് കഴിഞ്ഞ ദിവസം ചേര്‍ന്ന യോഗത്തിലാണ് സിനിമയുടെ പ്രദര്‍ശനം സംബന്ധിച്ചിട്ടുള്ള തീരുമാനം എടുത്തിരുന്നത്.

26 മാറ്റങ്ങള്‍

പത്മാവതി എന്ന സിനിമയുടെ പേര് മാറ്റി പത്മാവത് എന്നാക്കി മാറ്റണമെന്നും ഒപ്പം സിനിമയില്‍ നിന്നും 26 രംഗങ്ങള്‍ ഒഴിവാക്കണമെന്നുമാണ് അണിയറ പ്രവര്‍ത്തകര്‍ക്ക് ലഭിച്ചിരിക്കുന്ന നിബന്ധനകള്‍. അതിന് ശേഷം സിനിമ പ്രദര്‍ശിപ്പിക്കാമെന്നാണ് ബോര്‍ഡിന്റെ ഉത്തരവ്.

പത്മാവതി

സഞ്ജയ് ലീല ബന്‍സാലി സംവിധാനം ചെയ്യുന്ന പത്മാവതി ബോളിവുഡിലെ ഏറ്റവുമധികം മുതല്‍ മുടക്കില്‍ നിര്‍മ്മിക്കുന്ന സിനിമയായിരുന്നു. ത്. 160 കോടി മുതല്‍ മുടക്കിലെത്തുന്ന സിനിമ ഖില്‍ജി രാജവംശത്തിലെ ഭരണാധികാരിയായിരുന്ന അലാവുദ്ദീന്‍ ഖില്‍ജിയ്ക്ക് പത്മാവതിയോട് തോന്നുന്ന പ്രണയമാണ് ഇതിവൃത്തമാക്കിയിരിക്കുന്നത്.

ഭീഷണിയോട് ഭീഷണി

റിലീസ് അടുത്ത് വരുന്നതിനിടെയായിരുന്നു സിനിമയ്ക്ക് നേരെ ആരോപണവുമായി കര്‍ണിസേനാംഗങ്ങള്‍ രംഗത്തെത്തിയത്. ശേഷം സിനിമയുടെ സെറ്റ് ആക്രമിക്കുകയും സംവിധായകനും നായികയ്ക്ക് നേരെയും വധഭീഷണി ഉയര്‍ത്തുകയും ചെയ്തിരുന്നു.

കേന്ദ്ര കഥാപാത്രങ്ങള്‍

ദീപിക പദുക്കോണ്‍ രണ്‍വീര്‍ സിംഗ്, ഷാഹിദ് കപൂര്‍ എന്നിവരാണ് പത്മാവതിയില്‍ കേന്ദ്ര കഥാപാത്രങ്ങളെ അവതരിപ്പിക്കുന്നത്. ചിത്രത്തില്‍ നിന്നും പുറത്ത് വന്ന ട്രെയിലറും പോസ്റ്ററുകളും ഹിറ്റായിരുന്നു.