ഈ ലുക്ക് പോര..പ്രശസ്ത സംവിധായകന്റെ ചിത്രത്തില്‍ നിന്ന് ദീപിക പദുകോണ്‍ ഔട്ട്!

ബിയോണ്ട് ദി ക്ലൗഡ്‌സ്

ബിയോണ്ട് ദി ക്ലൗഡ്‌സ് എന്നു പേരിട്ട മജീദി ചിത്രത്തില്‍ നിന്നാണ് ദീപികയെ ഒഴിവാക്കിയത്.

മുഖ്യ റോളില്‍ ഷാഹിദ് കപൂര്‍

ബോളിവുഡ് നടന്‍ ഷാഹിദ് കപൂറിന്റെ സഹോദരന്‍ ഇഷാനാണ് ചിത്രത്തില്‍ മുഖ്യ റോളിലെത്തുന്നത്. ഇഷാന്റെ സഹോദരിയുടെ റോളായിരുന്നു ദീപികയ്ക്ക് ചിത്രത്തില്‍.

തെരുവില്‍ അലയുന്ന സ്ത്രീ

ചിത്രത്തിന്റെ ചിത്രീകരണത്തിനിടെ ആരോ പകര്‍ത്തിയ ദീപികയുടെ ചിത്രം സോഷ്യല്‍ മീഡീയയില്‍ വൈറലായിരുന്നു. തെരുവില്‍ അലയുന്ന ഒരു സ്ത്രീയുടെ വേഷത്തിലായിരുന്നു ദീപിക.

ദീപികയെ ഒഴിവാക്കിയതായി സംവിധായകന്‍

ചിത്രത്തില്‍ നിന്ന് ദീപികയെ ഒഴിവാക്കിയതായി മജീദി പത്ര സമ്മേളനത്തില്‍ വ്യക്തമാക്കി. ചിത്രത്തില്‍ പുതുമുഖങ്ങള്‍ മതിയെന്ന കാരണത്താലാണ് ദീപികയെ മാറ്റിയതെന്നാണ് മജീദി പറയുന്നത്. എന്നാല്‍ കഥാപാത്രവുമായി ദീപികയുടെ ലുക്ക് യോജിക്കുന്നില്ലെന്ന കാരണത്താല്‍ നടിയെ മാറ്റുകയായിരുന്നെന്നാണ് റിപ്പോര്‍ട്ടുകള്‍

ചിത്രീകരണം ഇന്ത്യയില്‍

പൂര്‍ണ്ണമായും ഇന്ത്യയില്‍ ചിത്രീകരിക്കുന്ന സിനിമയാണ് ബിയോണ്ട് ദി ക്ലൗഡ്‌സ്.എ ആര്‍ റഹ്മാനാണ് ചിത്രത്തിന്റെ സംഗീത സംവിധാനം നിര്‍വ്വവഹിക്കുന്നത്. ഈ വര്‍ഷം ഒടുവില്‍ ചിത്രം തിയേറ്ററുകളിലെത്തും.