ടിപ് ടിപ് ബർസാ പാനിയിൽ ഒപ്പു വെച്ചത് ദിവ്യ ഭാരതി; അഞ്ച് ദിവസം ഷൂട്ടിനുമെത്തി; ആ ദുരൂഹ മരണം മാറ്റി മറിച്ചു

അതേസമയം യഥാർത്ഥത്തിൽ രവീണയായിരുന്നില്ല ഈ സിനിമയിലും ​ഗാനത്തിലും എത്തേണ്ടിയിരുന്നത്. അകാലത്തിൽ മരണമടഞ്ഞ നടി ദിവ്യ ഭാരതി ആയിരുന്നു. ഈ സിനിമയിൽ അഭിനയിക്കാൻ ഒപ്പു വെച്ച ദിവ്യ അഞ്ച് ദിവസം ഷൂട്ടിം​ഗിനും എത്തിയിരുന്നു. എന്നാൽ അപ്രതീക്ഷിതമായി നടി മരിച്ചതോടെ പകരം രവീണയെ തീരുമാനിക്കുകയായിരുന്നു. എന്നാൽ ആദ്യ ഘട്ടത്തിൽ ഈ ​ഗാനരം​ഗത്തിലഭിനയിക്കാൻ രവീണയ്ക്ക് മടിയുണ്ടായിരുന്നു. മാെഹ്റ സിനിമയുടെ പ്രൊഡക്ഷൻ ഡിസൈനറും തിരക്കഥാകൃത്തുമായ ഷബിർ ബോക്സ്വാലയാണ് ഇക്കാര്യം പറഞ്ഞത്.

'ഇതൊരു നല്ല പ്രൊജക്ട് ആണെന്ന് അവൾക്ക് അറിയാമായിരുന്നു. പക്ഷെ ചെയ്യാൻ അവൾ ഭയപ്പെട്ടു. തന്റെ അച്ഛന് ഇതിൽ എതിരഭിപ്രായമുണ്ടാവുമെന്ന് അവൾ പറഞ്ഞു. അച്ഛനെ സിനിമ കാണിക്കേണ്ടെന്നാണ് രാജീവ് ( സംവിധായകൻ) പറഞ്ഞത്. ഒടുവിൽ അവൾ സമ്മതിച്ചു,' ഷബിർ ബോക്സ്വാല പറഞ്ഞു. കെജിഎഫ് ചാപ്റ്റർ ടുവിലാണ് രവീണ അവസാനമായി അഭിനയിച്ചത്. നെറ്റ്ഫ്ലിക്സ് സീരിസായ ആര്യങ്കിലും രവീണ മുഖ്യകഥാപാത്രമായെത്തി.

പതിനാലോളം ഹിന്ദി സിനിമകളിൽ അഭിനയിച്ച ദിവ്യ ഭാരതി തന്റെ 19ാം വയസ്സിലാണ് ദുരൂഹ സാഹചര്യത്തിൽ കൊല്ലപ്പെടുന്നത്. നടി ശ്രീദേവിയുമായി മുഖഛായയിൽ ഏറെ സാമ്യമുണ്ടായിരുന്ന നടിയാണ് ദിവ്യ ഭാരതി. ശ്രീദേവിയും ദിവ്യ ഭാരതിയും തമ്മിലുള്ള മുഖഭാവങ്ങൾ തമ്മിലും താരതമ്യമുണ്ടായിരുന്നു. ഇരു നടിമാരുടെയും മരണത്തിൽ പോലും സമാനതകളുണ്ട്.

Recommended Video

ആമിര്‍ ഖാനെ വിവാഹം കഴിക്കാന്‍ ആഗ്രഹിച്ചിരുന്നു : Sai Tamhankar | FilmiBeat Malayalam

2018 ൽ ദുബായിലെ ഒരു ഹോട്ടൽമുറിയിലെ ബാത് ടബ്ബിൽ മുങ്ങിമരിച്ച നിലയിലാണ് ശ്രീദേവിയുടെ മൃതദേഹം കണ്ടെത്തിയത്. തലയ്ക്ക് ആഴത്തിൽ മുറിവേറ്റിരുന്നു. ശ്വാസകോശത്തിൽ വെള്ളം കയറിയാണ് മരണമെന്നായിരുന്നു ദുബായ് പൊലീസ് പറഞ്ഞത്. അതേസമയം മരണകാരണം സംബന്ധിച്ചുള്ള ദുരൂഹ​തകൾ ഇതുവരെയും കെട്ടടങ്ങിയിട്ടില്ല.

1993 ൽ മുംബൈയിലെ അഞ്ച് നില കെട്ടിടത്തിന് മുകളിൽ നിന്ന് വീണാണ് ദിവ്യ ഭാരതി മരിക്കുന്നത്. 1998 ഓടെ കേസന്വേഷണം അവസാനിച്ചെങ്കിലും ദിവ്യയുടെ മരണത്തിൽ ഇപ്പോഴും ദുരൂഹതകളുണ്ട്.