ഷൂട്ടിങ്ങിനിടെ ദുല്‍ഖറിനെ പൊതിഞ്ഞത് 300 പെണ്‍കുട്ടികള്‍! സംഭവം വെളിപ്പെടുത്തി സംവിധായകൻ...

കര്‍വന്‍

മലയാളത്തിന്റെ കുഞ്ഞിക്ക ദുല്‍ഖര്‍ സല്‍മാന്‍ ബോളിവുഡില്‍ അരങ്ങേറ്റം നടത്തുന്ന സിനിമയാണ് കര്‍വന്‍. ആകാശ് ഖൂറാന സംവിധാനം ചെയ്യുന്ന സിനിമയില്‍ ദുല്‍ഖറിനൊപ്പം ഇര്‍ഫാന്‍ ഖാനും പ്രധാന കഥാപാത്രത്തെ അവതരിപ്പിക്കുന്നുണ്ട്..

ഊട്ടിയിലെ ഷൂട്ടിംഗ്

കൊച്ചിയിലും ഊട്ടിയുമായിരുന്നു സിനിമയുടെ പ്രധാനപ്പെട്ട ലൊക്കേഷന്‍. തൃശ്ശൂരിലും ചിത്രീകരണം നടന്നിരുന്നു. ഊട്ടിയില്‍ നിന്നും സിനിമയുടെ ചിത്രീകരണം നടക്കുന്നതിനിടെ സംഭവിച്ച ഒരു കാര്യമാണ് സംവിധായകന്‍ ഇപ്പോള്‍ തുറന്ന് പറഞ്ഞിരിക്കുന്നത്.

300 -ഓളം പെണ്‍കുട്ടികള്‍

ദുല്‍ഖറിനും ഇര്‍ഫാനും ചുറ്റും 300 -ഓളം പെണ്‍കുട്ടികള്‍ കൂടി നില്‍ക്കുകയായിരുന്നു. ദുല്‍ഖറിന് വേണ്ടി പെണ്‍കുട്ടികള്‍ ആര്‍ത്ത് വിളിച്ചപ്പോള്‍ എല്ലാവരും കരുതിയത് ദുല്‍ഖറിനെ കാണാന്‍ എത്തിയതായിരിക്കും എന്നായിരുന്നു. എന്നാല്‍ ഇര്‍ഫാന് വേണ്ടി ഒച്ചയുണ്ടാക്കുകയും അവര്‍ ചെയ്തിരുന്നു.

കേരളത്തില്‍ നിന്നും...

സിനിമയുടെ ചിത്രീകരണം കേരളത്തില്‍ നടക്കുമ്പോഴും ഇതുപോലെ തന്നെ അനുഭവം ഉണ്ടായിരുന്നു. ആ ഘട്ടത്തില്‍ സിനിമയുടെ ഷൂട്ടിങ്ങ് വരെ നിര്‍ത്തിവെക്കേണ്ടി വന്നിരുന്നതായും സംവിധായകന്‍ പറയുന്നു.

റിലീസിനൊരുങ്ങുന്നു..

തന്റെ ആദ്യത്തെ ബോളിവുഡ് സിനിമ ജൂണ്‍ ഒന്നിന് തിയറ്ററുകളിലേക്ക് എത്തുമെന്ന് ദുല്‍ഖര്‍ തന്നെ വ്യക്തമാക്കിയിരുന്നു. റാണി സ്‌ക്രൂവാലയുടെ കീഴിലുള്ള പുതിയ പ്രൊഡക്ഷന്‍ കമ്പനിയാണ് സിനിമ നിര്‍മ്മിക്കുന്നത്.