'എന്റെ രണ്ട് തൂണുകൾ'; മുൻഭാര്യമാർക്കൊപ്പമുള്ള ചിത്രവുമായി അനുരാ​ഗ് കശ്യപ്, ലക്കിമാനാണെന്ന് സോഷ്യൽ‌മീഡിയ!

2007ൽ സ്റ്റീഫൻ കിങ്ങിന്റെ ചെറുകഥയെ ആസ്പദമാക്കി നിർമ്മിച്ച നോ സ്മോക്കിങ്ങ് എന്ന സറിയലിസ്റ്റിക്ക് സ്വഭാവമുള്ള ചിത്രം പുറത്തിറങ്ങി. ആ വർഷം തന്നെ റിട്ടേൺ ഓഫ് ഹനുമാൻഎന്ന ആനിമേഷൻ ചിത്രവും സംവിധാനം ചെയ്തു.

ശരത്ത് ചന്ദ്ര ചാത്ത്യോപാദ്ധ്യയയുടെ ക്ലാസ്സിക്ക് നോവൽ ദേവദാസിനെ അടിസ്ഥാനപ്പെടുത്തി നിർമ്മിച്ച ദേവ് ഡി 2009ൽ പുറത്തിറങ്ങി.

നിരൂപകരുടേയും മുഖ്യധാരാ പ്രേക്ഷകരുടേയും ശ്രദ്ധ പിടിച്ച് പറ്റിയ ചിത്രം ആ വർഷത്തെ മികച്ച വാണീജ്യ വിജയവുമായിരുന്നു. 2010ൽ സംവിധാനം ചെയ്ത ദാറ്റ് ഗേൾ ഇൻ യെല്ലോ ബൂട്ട്സ് ആ വർഷത്തെ വെന്നീസ് അന്താരാഷ്ട ചലച്ചിത്രമേളയിൽ ആദ്യ പ്രദർശനം നടത്തി.

നിവിൻ പോളി സിനിമ മൂത്തോനിന്റെ നിർമാതാക്കളിൽ ഒരാളും അനുരാ​ഗ് കശ്യപായിരുന്നു. നയൻതാര കേന്ദ്ര കഥാപാത്രമായ ഇമൈക്ക നൊടികൾ എന്ന തമിഴ് സിനിമയിലും അനുരാ​ഗ് കശ്യപ് അഭിനയിച്ചിരുന്നു.

എല്ലാ വിഷയങ്ങളിലും കൃത്യമായ നിലപാടുള്ള വ്യക്തിയായതിനാൽ നിരവധി വിമർശനങ്ങളും വിവാ​ദങ്ങളും അനുരാ​ഗ് കശ്യപിന് നേരേണ്ടി വന്നിട്ടുണ്ട്. ഇതുവരെ രണ്ട് ജീവിത പങ്കാളികളാണ് അനുരാ​ഗ് കശ്യപിന്റെ ജീവിതത്തിലുണ്ടായിട്ടുള്ളത്.

ആർതി ബജാജ്, കൽക്കി കോച്ച്ലിൻ എന്നിവരായിരുന്നു അനുരാ​ഗിന്റെ മുൻ ഭാര്യമാർ. രണ്ട് മുൻ ഭാര്യമാരേയും ഇടവും വലവും ചേർത്തിയുള്ള ഫോട്ടോ സോഷ്യൽമീഡിയയിൽ പങ്കുവെച്ച് എത്തിയിരിക്കുകയാണ് അനുരാ​ഗ് കശ്യപ് ഇപ്പോൾ.

'എന്റെ രണ്ട് തൂണുകൾ' എന്നാണ് ഭാര്യമാർക്കൊപ്പമുള്ള ചിത്രം പങ്കുവെച്ച് അനുരാ​ഗ് കശ്യപ് കുറിച്ചത്. കഴിഞ്ഞ ദിവസം മുംബൈയിൽ മാധ്യമപ്രവർത്തകർക്കായി അനുരാ​ഗ് കശ്യപ് സംവിധാനം ചെയ്ത ദൊബാര എന്ന ചിത്രത്തിന്റെ പ്രത്യേക പ്രദർശനം നടത്തിയിരുന്നു.

ഇതിൽ പങ്കെടുക്കാനെത്തിയതായിരുന്നു ആർതിയും കൽക്കിയും. ഐക്കണിക് എന്നാണ് ഈ ചിത്രത്തിന് അനുരാ​ഗ് കശ്യപിന്റെ മകൾ ആലിയ കമന്റ് ചെയ്തത്. 2003 മുതൽ 2009 വരെയാണ് അനുരാ​ഗിന്റെയും ആർതിയുടേയും ദാമ്പത്യബന്ധം നീണ്ടുനിന്നത്.

2009ൽ അനുരാ​ഗ് സംവിധാനം ചെയ്ത ദേവ് ഡി എന്ന ചിത്രത്തിലൂടെയാണ് കൽക്കി ബോളിവുഡിൽ അരങ്ങേറുന്നത്. 2011ലായിരുന്നു ഇവർ വിവാഹിതരായത്.

2013 മുതൽ അകന്നുകഴിഞ്ഞിരുന്ന ഇരുവരും 2015ലാണ് നിയമപരമായി വിവാഹബന്ധം വേർപെടുത്തിയത്. ഫോട്ടോ വൈറലായതോടെ ലക്കി മാൻ എന്നാണ് സോഷ്യൽമീഡിയയിൽ നിരവധി പോസ്റ്റിന് കമന്റായി കുറിച്ചത്.