For Quick Alerts
    ALLOW NOTIFICATIONS  
    For Daily Alerts

    നേട്ടങ്ങള്‍ക്ക് പിന്നില്‍ ഭര്‍ത്താവ്: സണ്ണിലിയോണ്‍

    |

    മുംബൈ: ഏത് പുരുഷന്റെ വളര്‍ച്ചയ്ക്ക് പിന്നിലും ഒരു സ്ത്രീയുണ്ടാകും എന്നാണ് പൊതുവെയുള്ള വിശ്വാസം. എന്നാല്‍ ഇവിടെ കഥ തിരിച്ചാണ്. സണ്ണി ലിയോണ്‍ എന്ന സ്ത്രീയുടെ വളര്‍ച്ചയ്ക്ക് പിന്നില്‍ ഒരു പുരുഷനുണ്ട്. ആരാണെന്നോ, സണ്ണി ലിയോണിന്റെ ഭര്‍ത്താവായ ഡാനിയല്‍ വെബര്‍. ഭര്‍ത്താവിന്റെ പിന്തുണയും സഹകരണവും ഉണ്ടായിരുന്നില്ലെങ്കില്‍ താന്‍ ഈ നേട്ടങ്ങളിലൊന്നും എത്തില്ലായിരുന്നു എന്നാണ് സണ്ണി ലിയോണ്‍ തന്നെ പറയുന്നത്.

    യു ടി വിയിലെ ബ്രേക്ക്ഫാസ്റ്റ് ടു ഡിന്നര്‍ എന്ന ഷോയിലാണ് താരം മനസ്സുതുറന്നത്. ഡാനിയേലിന്റെ സപ്പോര്‍ട്ട് ഇല്ലായിരുന്നെങ്കില്‍ ഞാന്‍ ഇന്ന് ഈ നിലയിലൊന്നും എത്തില്ലായിരുന്നു. ശരിക്കും ഡാനിയല്‍ തന്നെ വേണ്ടെന്ന് വെക്കണം എന്നാണ് ആഗ്രഹിച്ചിരുന്നത്. അതുകൊണ്ട് തന്നെ ആദ്യമായി കാണാന്‍ പോയപ്പോള്‍ നേരം വൈകിയാണ് ചെന്നത് - ആരാധകരുടെ പ്രിയപ്പെട്ട സണ്ണി മനസ്സുതുറക്കുന്നു.

    sunny-leone

    എന്നാല്‍ വിധി മറ്റൊന്നായിരുന്നു. അവിടുന്നങ്ങോട്ട് മാനേജരായും ഭര്‍ത്താവായും സണ്ണി ലിയോണിന്റെ ജീവിതത്തിലും കരിയറിലും ഡാനിയല്‍ വരുത്തിയ മാറ്റങ്ങള്‍ വലുതായിരുന്നു. ഇന്തോ - കനേഡിയന്‍ പോണ്‍സ്റ്റാര്‍ എന്ന പേരില്‍ നിന്നും ഐറ്റം ഗേളായും പിന്നീട് ബോളിവുഡ് ചിത്രങ്ങളിലെ സാധാരണ നടിയായും കരിയര്‍ മാറ്റിയെഴുതുകയാണ് സണ്ണി ലിയോണ്‍ ഇപ്പോള്‍.

    ബിഗ്‌ബോസിന്റെ അഞ്ചാം സീസണില്‍ പ്രത്യക്ഷപ്പെട്ടതോടെയാണ് സണ്ണി ലിയോണിന്റെ തലവര മാറിയത്. 2012 ല്‍ ജിസം2, തുടര്‍ന്ന് ഷൂട്ടൗട്ട് അറ്റ് വാദാല, ജാക്‌പോട്ട് തുടങ്ങിയ ചിത്രങ്ങളിലൂടെ സണ്ണി ലിയോണ്‍ ബോളിവുഡിന്റെ ഭാഗമായി മാറി. ഇപ്പോള്‍ രാഗിണി എം എം എസാണ് സണ്ണി ലിയോണിന്റെ പുതിയ ചിത്രം. കരേന്‍ മല്‍ഹോത്ര എന്നാണ് സണ്ണി ലിയോണിന്റെ ശരിക്കുള്ള പേര്. 2011 ലാണ് സണ്ണി ലിയോണ്‍ ഡാനിയലിനെ വിവാഹം ചെയ്യുന്നത്.

    English summary
    Actress Sunny Leone said she would have been nothing if husband wasn't by her side
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X