നാൽപ്പത്തിനാലാം വയസിൽ നടി രാഖി സാവന്ത് അമ്മയാകാൻ ഒരുങ്ങുന്നു, വിവാഹത്തിന് പിന്നാലെ നടി ​ഗർഭിണി?

അതുകൊണ്ട് തന്നെ രാഖി പബ്ലിസിറ്റിക്ക് വേണ്ടി സ്വകാര്യ ജീവിതവും പരസ്യപ്പെടുത്തുന്നത് എന്നാണ് പ്രേക്ഷകരിൽ ഏറെ പേരും കുറ്റപ്പെടുത്തിയത്. കുറച്ച് ദിവസം മുമ്പാണ് ദീര്‍ഘകാലങ്ങളായി പ്രണയത്തിലായിരുന്ന ആദില്‍ ഖാന്‍ ദുറാനി എന്ന യുവാവിനെ രാഖി വിവാഹം കഴിച്ചുവെന്ന വാര്‍ത്തകൾ പുറത്ത് വന്നത്.

രാഖിയും ആദിലും രജിസ്റ്റര്‍ വിവാഹം ചെയ്തതിന്റെ ചിത്രങ്ങളും രേഖകളും സോഷ്യല്‍ മീഡിയയില്‍ പ്രചരിക്കുകയും ചെയ്തിരുന്നു. മെസൂര്‍ സ്വദേശിയായ ആദിലിനെ രാഖി നേരത്തെ തന്നെ പരിചയപ്പെടുത്തിയിരുന്നു. എന്റെ പ്രണയം..എന്റെ ജീവിതം എന്ന കുറിപ്പോടെ ആദിലിനൊപ്പമുള്ള വീഡിയോ രാഖി സോഷ്യല്‍ മീഡിയയില്‍ പങ്കുവെച്ചിരുന്നു.

കൂടാതെ ഒരു പുരസ്‌കാര ദാന ചടങ്ങില്‍ പങ്കെടുത്ത രാഖി ആദിലിനെ വീഡിയോ കോള്‍ ചെയ്യുകയും പൊതുജനങ്ങള്‍ക്ക് അദ്ദേഹത്തെ പരിചയപ്പെടുത്തുകയും ചെയതിരുന്നു. 44 വയസുകാരിയായ രാഖിയേക്കാള്‍ ആറ് വയസ് കുറവാണ് ആദിലിന്.

അര്‍ജുന്‍ കപൂര്‍-മലൈക അറോറ, പ്രിയങ്ക ചോപ്ര-നിക്ക് ജൊനാസ് പ്രണയം പോലെയാണ് തങ്ങളുടെ ബന്ധമെന്ന് ആദില്‍ പറഞ്ഞതായും ടൈംസ് ഓഫ് ഇന്ത്യക്ക് നല്‍കിയ അഭിമുഖത്തില്‍ രാഖി പറഞ്ഞു. 'എനിക്ക് ആദിലിനേക്കാള്‍ ആറ് വയസ് കൂടുതലുണ്ട്.'

'അതുകൊണ്ട് പ്രണയത്തില്‍ എനിക്ക് ആശയക്കുഴപ്പമുണ്ടായി. പക്ഷെ ആദിലിന് അതൊന്നും പ്രശ്നമായിരുന്നില്ല. അദ്ദേഹത്തിന്റെ കുടുംബം എന്നെ അംഗീകരിക്കുമോയെന്ന് എനിക്ക് പേടിയുണ്ട്.'

'എന്റെ വസ്ത്രധാരണ രീതിയൊന്നും അവര്‍ക്ക് ഇഷ്ടമല്ല. അവരുടെ ഇഷ്ടത്തിന് അനുസരിച്ച് മാറാന്‍ ഞാന്‍ തയ്യാറാണ്. പക്ഷെ എന്നെ ആരും അതിന് നിര്‍ബന്ധിച്ചിട്ടില്ല. ആദിലിന്റെ കുടുംബം എന്നെ അംഗീകരിക്കുമെന്ന് എനിക്ക് പ്രതീക്ഷയുണ്ട്' എന്നാണ് അടുത്തിടെ അഭിമുഖത്തില്‍ രാഖി പറഞ്ഞത്.

രാഖിയുടേയും ആദിലിന്റേയും വിവാഹ ഫോട്ടോ വൈറലായ ശേഷം ഭർത്താവ് ആദിൽ തങ്ങളുടെ വിവാഹം കഴിഞ്ഞുവെന്ന് അംഗീകരിക്കുന്നില്ലെന്ന് ആരോപിച്ച് രാഖി എത്തിയിരുന്നു. 'ആദിൽ എന്നെ സ്വീകരിക്കാൻ ഞാൻ അല്ലാഹുവിനോട് അപേക്ഷിക്കും.'

'അതെന്താണെന്ന് എനിക്കറിയില്ല. ഞാൻ യഥാർത്ഥ ഹൃദയത്തോടെ വിവാഹം കഴിച്ചു. ഒന്നുകിൽ ആദിൽ എന്നെ സ്വീകരിക്കുക അല്ലെങ്കിൽ ദൈവം എനിക്ക് മരണം നൽകും. എനിക്ക് ഇനി ഈ അപകീർത്തി സഹിക്കാനാവില്ല. ഇത് എന്റെ പ്രണയമാണ്.'

'ഞാൻ വിവാഹം കഴിച്ചു... ഇതൊരു കളങ്കമല്ല. സത്യസന്ധമായി ജീവിക്കാൻ ഞാൻ ആഗ്രഹിക്കുന്നു' എന്നാണ് രാഖി സാവന്ത് പറഞ്ഞത്. ആരോപണ പ്രത്യാരോപണങ്ങൾ ഉണ്ടായിയെങ്കിലും ഇരുവരും ഇപ്പോൾ ഒത്തുരമയിലാണ് മുന്നോട്ട് പോകുന്നത്.

അതേസമയം രാഖി ​അമ്മയാകാൻ ഒരുങ്ങുന്നുവെന്ന തരത്തിലുള്ള വാർത്തകളും പുറത്ത് വരുന്നുണ്ട്. എന്നാൽ ഇതെകുറിച്ച് ചോദിച്ചപ്പോൾ നോ കമന്റ്സ് എന്നായിരുന്നു രാഖിയുടെ മറുപടി.