നടിമാരുടെ ഓരോ കഷ്ടപാടുകള്‍ നോക്കിക്കേ, എല്ലാം നടിയ്ക്ക് ഡാന്‍സ് കളിക്കാന്‍ കഴിവുള്ളത് കൊണ്ടാണ്!!

റേസ് 3

ബോളിവുഡിലെ ഹിറ്റ് സിനിമകളിലൊന്നാണ് റേസ്. സിനിമയുടെ മൂന്നാം ഭാഗം റേസ് 3 എന്ന പേരില്‍ അണിയറയില്‍ ഒരുങ്ങുകയാണ്. സല്‍മാന്‍ നായകനാവുന്ന സിനിമയില്‍ ജാക്വലീന്‍ ഫെര്‍ണാണ്ടന്‍സാണ് നായിക. നായികയുടെ ചില കഴിവുകള്‍ കൂടി സിനിമയില്‍ ഉള്‍പ്പെടുത്തനാണ് അണിയറ പ്രവര്‍ത്തകരുടെ തീരുമാനം.

പോള്‍ ഡാന്‍സ്

ശ്രീലങ്കന്‍ സുന്ദരിയെന്ന് വിശേഷപ്പിക്കപ്പെടുന്ന ജാക്വലീന് പോള്‍ ഡാന്‍സില്‍ പ്രാവിണ്യമുണ്ട്. അത് സിനിമയിലും ഉള്‍പ്പെടുത്തുകയാണ്. സിനിമിലെ ഒരു പാട്ട് രംഗത്തിലാണ് നടിയുടെ പ്രത്യേകമായുള്ള ഡാന്‍സ് ചേര്‍ത്തിരിക്കുന്നത്.

വൈറലായ ചിത്രം

ആ സീന്‍ ചിത്രീകരിക്കുന്നതിന് വേണ്ടി പരിശീലനം നടത്തുന്ന നടിയുടെ ഒരു ഫോട്ടോ വൈറലായിരിക്കുകയാണ്. സംവിധായകനാണ് ഫോട്ടോ പുറത്ത് വിട്ടത്. മുന്‍പും നടി ഇത്തരത്തിലുള്ള ചിത്രങ്ങള്‍ ഇന്‍സ്റ്റാഗ്രാമിലൂടെ പുറത്ത് വിട്ടിരുന്നു.

റേസ് 3

പ്രശസ്ത കൊറിയോഗ്രാഫറായ റേമോ ഡിസൂസയാണ് സിനിമ സംവിധാനം ചെയ്യുന്നത്. സിനിമയില്‍ വില്ലന്‍ കഥാപാത്രമായി ആദ്യം തീരുമാനിച്ചത് സല്‍മാന്‍ ഖാനെ ആയിരുന്നു. എന്നാല്‍ വില്ലനാവാന്‍ താല്‍പര്യമില്ലെന്ന് പറഞ്ഞതോടെ സല്‍മാന്‍ ഖാന്‍ നായകനാവുകയായിരുന്നു.

മറ്റ് താരങ്ങള്‍

സല്‍മാന്‍ ഖാനൊപ്പം ബോളിവുഡിലെ പ്രമുഖ താരങ്ങളെല്ലാം റേസ് 3യില്‍ അഭിനയിക്കുന്നുണ്ട്. വില്ലന്‍ വേഷം ആദിത്യ പഞ്ചോളിയാണ് ചെയ്യുന്നത്. ഒപ്പം സെയ്ഫ് അലി ഖാന്‍, അനില്‍ കപൂര്‍, ബോബി ഡിയോള്‍, തുടങ്ങിയവരാണ് മറ്റ് കേന്ദ്ര കഥാപാത്രങ്ങളെ അവതരിപ്പിക്കുന്നത്.