Don't Miss!
- News നെല്ല് സംഭരണത്തിൽ കേന്ദ്രത്തിന്റെ തട്ടിപ്പുകൾ പുറത്തുവന്നു; മന്ത്രി എംബി രാജേഷ്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Automobiles കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- Lifestyle ഗ്ലൂട്ടാതിയോണ് ഇഞ്ചക്ഷന് എടുത്താല് ചര്മ്മം തിളങ്ങും, കലകള് മാറും, പ്രായമാകലിനെ ചെറുക്കും; വാസ്തവമെന്താണ്
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
'ബിഗ് ബോസിനുള്ളിലേക്ക് കരീന ഒപ്പമുണ്ടെങ്കിൽ മാത്രം'; കരൺ ജോഹർ
ബോളിവുഡിലെ ഹിറ്റ് സംവിധായകനായിരുന്ന കരൺ ജോഹർ ഏറെ നാളായി സംവിധാനം നിർത്തി സിനിമാ നിർമാണത്തിലും റിയാലിറ്റി ഷോകളിലും ശ്രദ്ധ കേന്ദ്രീകരിച്ചിരിക്കുകയാണ്. 2016 ന് ശേഷം റോക്കി ഓർ റാണി കി പ്രേം കഹാനി എന്ന ചിത്രത്തിലൂടെ സംവിധാന രംഗത്തേക്ക് തിരിച്ചു വരികയാണ് കരൺ. ഇതിനു പുറമെ ബിഗ് ബോസ് ഒടിടി, കോഫി വിത്ത് കരൺ എന്നീ ഷോകളുടെ അവതാരകനായും കരൺ ജോഹറെത്തുന്നുണ്ട്.
Recommended Video
ഹിറ്റ് ഷോകളായ രണ്ടിന്റെയും അവതാകരനായി ഏകദേശം ഒരേ സമയത്ത് തന്നെയാണ് കരണെത്തുന്നത്. കോഫി വിത്ത് കരൺ ജൂലൈ ഏഴ് മുതൽ ഹോട്സ്റ്റാറിൽ സ്ട്രീം ചെയ്തു തുടങ്ങും. ഉടനെ തന്നെ ബിഗ് ബോസ് ഒടിടിയുമെത്തും. മുൻ ബിഗ് ബോസ് സീസണുകളുടെ അവതാരകനായിരുന്ന സൽമാൻ ഖാന് പകരമാണ് ഇത്തവണ കരൺ എത്തുന്നത്. കരണിനൊപ്പം രൺവീർ സിംഗിനെയും അവതാരകനായി പരിഗണിച്ചിരുന്നെന്ന് റിപ്പോർട്ടുകൾ വന്നിരുന്നെങ്കിലും കരണിനെയാണ് തെരഞ്ഞെടുത്തത്.
ഇപ്പോൾ ബിഗ് ബോസുമായി ബന്ധപ്പെട്ട ഒരു ചോദ്യത്തിന് താരം നൽകിയ മറുപടിയാണ് ശ്രദ്ധേയമാവുന്നത്. ബിഗ് ബോസിനുള്ളിലേക്ക് ഒരാഴ്ച പോവേണ്ടി വന്നാൽ ഏത് താരത്തെ ഒപ്പം കൂട്ടുമെന്ന ചോദ്യത്തിനുത്തരം നൽകുകയായിരുന്നു കരൺ. സുഹൃത്തും നടിയുമായ കരീന കപൂർ ഖാൻ ഉണ്ടെങ്കിൽ മാത്രമേ താൻ ബിഗ് ബോസിലേക്ക് പോവൂ എന്നാണ് കരൺ നൽകിയ മറുപടി. കരീന വലിയ തമാശക്കാരിയായതിനാലാണ് അവരെ ഒപ്പം കൂട്ടുന്നതെന്നാണ് കരൺ ജോഹർ പറയുന്നത്. പിങ്ക് വില്ലയുടെ റാപിഡ് ഫയർ ചോദ്യത്തിലാണ് കരണിന്റെ പ്രതികരണം.
അടുത്ത സുഹൃത്തുക്കളായ കരീന കപൂറും കരൺ ജോഹറും പാർട്ടികളിലും യാത്രകളിലും ഒരുമിച്ചെത്താറുണ്ട്. ഇരുവരുടെയും സൗഹൃദത്തിന് വർഷങ്ങളുടെ പഴക്കവുമുണ്ട്. തന്റെ ഏറ്റവുമടുത്ത സുഹൃത്തുക്കളിലൊരാളാണ് കരണെന്ന് കരീനയും വ്യക്തമാക്കിയിട്ടുണ്ട്. ബി ടൗണിലെ ഗോസിപ്പ് ഗേളായി അറിയപ്പെടുന്ന കരീന തന്റെ പാർട്ണർ ഇൻ ക്രെെം എന്നാണ് കരണിനെ വിശേഷിപ്പിച്ചത്.
അതേസമയം മുൻപൊരിക്കൽ ഇരുവരും തമ്മിൽ തർക്കവുമുണ്ടായിരുന്നു. കൽ ഹോ നാ ഹോ എന്ന ചിത്രവുമായി ബന്ധപ്പെട്ടായിരുന്നു ഇരുവരും അകൽച്ചയിലായത്. ചിത്രത്തിൽ നായികയായെത്തിയത് പ്രീതി സിന്റയായിരുന്നെങ്കിലും ആദ്യം പരിഗണിച്ചത് കരീനയെ ആയിരുന്നു. കരൺ ചിത്രത്തിലെ കഥാപാത്രം കരീനയ്ക്ക് ഓഫർ ചെയ്യുകയും ചെയ്തിരുന്നു. എന്നാൽ ചിത്രത്തിലെ നായകൻ ഷാരൂഖിന്റെ അതേ പ്രതിഫലം കരീന ചോദിച്ചു. അത് പറ്റില്ല എന്ന് പറഞ്ഞതോടെ കരീന പിണങ്ങിയെന്നാണ് കരൺ തന്റെ ആത്മകഥയായ അൺസ്യൂട്ടബിൾ ബോയിൽ വെളിപ്പെടുത്തിയത്.
കരീനയ്ക്ക് പകരം കരൺ പ്രീതി സിന്റയെ സിനിമയിൽ കാസ്റ്റ് ചെയ്യുകയും ചെയ്തു. ഒരു വർഷത്തോളം കരീന തന്നോട് മിണ്ടിയില്ലെന്നാണ് കരൺ വ്യക്തമാക്കിയത്. എന്നാൽ ഇപ്പോൾ ആലോചിക്കുമ്പോൾ ഈ പിണക്കം മണ്ടത്തരമായെന്ന് തോന്നുന്നെന്നും കരീന അന്ന് ചെറിയൊരു കുട്ടിയായിരുന്നെന്നും കരൺ ആത്മകഥയിൽ പറഞ്ഞു. കരണിന്റെ ധർമ്മ പ്രൊഡക്ഷൻ ഒരുക്കിയ കഭി ഖുശി കഭി ഗം, വി ആർ ഫാമിലി, കുർബാൻ, എക് മേൻ ഏക് തു, ഗുഡ് ന്യൂസ് തുടങ്ങിയ ചിത്രങ്ങളിൽ കരീന നായികയായെത്തിയിട്ടുണ്ട്.