സിനിമയെ മറയാക്കി പീഡനമോ ?? കിങ് ഖാന്‍ സിനിമകളുടെ നിര്‍മ്മാതാവിനെതിരെ പരാതിയുമായി യുവ അഭിനേത്രി

ആരോപണം നിഷേധിച്ച് നിര്‍മ്മാതാവ്

നിര്‍മ്മാതാവായ കരീം മൊറാനിയുടെ പദവി നശിപ്പിക്കാനായി കെട്ടിച്ചമച്ചുണ്ടാക്കിയ വ്യാജ പരാതിയാണ് ഇതെന്നാണ് മൊറാനിയുമായി ബന്ധപ്പെട്ടവര്‍ പറയുന്നത്. മൊറാനി അത്തരത്തിലുള്ള വ്യക്തിയല്ലെന്നാണ് അടുത്ത വൃത്തങ്ങള്‍ പറയുന്നത്.

നിയമപരമായ നടപടികള്‍ സ്വീകരിക്കും

തന്നെ മോശമായി ചിത്രീകരിക്കുന്നതിന് വേണ്ടിയാണ് ഇത്തരത്തിലുള്ള പരാതിയുമായി അഭിനേത്രി രംഗത്തുവന്നിട്ടുള്ളത്. വിഷയത്തില്‍ നിയമപരമായ നടപടികള്‍ സ്വീകരിക്കുമെന്നും മൊറാനി അറിയിച്ചു.

നിരവധി തവണ പീഡനത്തിനിരയായിട്ടുണ്ട്

കരീം മൊറാനിയുടെ മകളുടെ അടുത്ത സുഹൃത്തു കൂടിയാണ് യുവ അഭിനേത്രി. മുംബൈയില്‍ ഇരുവരും ഒന്നിച്ചു ജോലി ചെയ്തിട്ടുമുണ്ട്. നഗരത്തിലെ പ്രമുഖ സ്റ്റുഡിയോയില്‍ വെച്ച് നിരവധി തവണ മൊറാനി തന്നെ പീഡിപ്പിച്ചിട്ടുണ്ടെന്നാണ് അഭിനേത്രി പറയുന്നത്.

ചിത്രങ്ങളും വീഡിയോയും പുറത്തുവിടുമെന്ന് ഭീഷണി

വിവരം പുറത്തു പറഞ്ഞാല്‍ നഗ്ന വിഡിയോയും ചിത്രങ്ങളും സുഹൃത്തുക്കള്‍ക്ക് കൈമാറുമെന്ന് പറഞ്ഞ് കരീം മൊറാനി തന്നെ ഭീഷണിപ്പെടുത്തിയെന്നും അഭിനേത്രിയുടെ പരാതിയില്‍ പറയുന്നു.