രാവണിന്റെ ട്രെയിലര്‍ പുറത്തിറങ്ങി

By Staff

| Published: Sunday, April 18, 2010, 16:54 [IST]

മണിരത്‌നത്തിന്റെ ഡ്രീം പ്രൊജക്ടായ രാവണിന്റെ ട്രെയിലര്‍ പുറത്തിറങ്ങി. ഏപ്രില്‍ 24ന് ചിത്രത്തിന്റെ ഓഡിയോ റിലീസിന് മുന്നോടിയായാണ് 40 സെക്കന്റ് ദൈര്‍ഘ്യമുള്ള ട്രെയിലര്‍ റിലീസ് ചെയ്തിരിയ്ക്കുന്നത്. അഭിഷേകിന്റെ ഐശ്വര്യ റായിയുടെയും രംഗങ്ങളാണ് ട്രെയിലറിലുള്ളത്.

അതേ സമയം രാവണിന്റെ തമിഴ്-തെലുങ്ക് പതിപ്പുകളുടെ റിലീസ് ഓഡിയോ റിലീസിനോട് അനുബന്ധിച്ചേ ഉണ്ടാകുവെന്നാണ് അറിയുന്നത്.

എആര്‍ റഹ്മാന്‍ സംഗീതം നല്‍കിയിരിക്കുന്ന രാവണിന്റെ ഹിന്ദി പതിപ്പിന്റെ ഓഡിയോ റൈറ്റ് ടി-സീരിസാണ് സ്വന്തമാക്കിയിരിക്കുന്നത്. മണിരത്‌നം-എആര്‍ റഹ്മാന്‍ കൂട്ടുകെട്ട് വിജയചരിത്രം ആവര്‍ത്തിയ്ക്കുമെന്ന് തന്നെയാണ് വിപണിയില്‍ നിന്നുള്ള റിപ്പോര്‍ട്ടുകള്‍.

ചിത്രത്തിന്റെ തമിഴ്-തെലുങ്ക് പതിപ്പുകളുടെ ഓഡിയോ റൈറ്റ് സ്വന്തമാക്കാന്‍ വേണ്ടി വന്‍ മത്സരമാണ് നടക്കുന്നത്. മെയില്‍ തമിഴ് രാവണന്റെ ഓഡിയോ റിലീസ് ഉണ്ടാകുമെന്നാണ് കരുതപ്പെടുന്നത്.