'പരിഹസിക്കുന്നത് സഹിക്കാനാവില്ല', മക്കളുടെ ചിത്രങ്ങൾ പങ്കുവെക്കാതിരുന്നതിനെ കുറിച്ച് ആയുഷ് ശർമ!

സൽമാൻ ഖാൻ നിർമിച്ച ലവ് യാത്രി എന്ന സിനിമയിലും ആയുഷ് ശർ‌മയായിരുന്നു നായകൻ. ഷാരൂഖ് ഖാൻ, കത്രീന കൈഫ്, കബീർ ഖാൻ, ഭാര്യ മിനി മാത്തൂർ, കരൺ ജോഹർ തുടങ്ങി നിരവധി പ്രമുഖർ ഇവരുടെ വിവാഹത്തിൽ പങ്കെടുത്തിരുന്നു. തുടക്കത്തിൽ ഇരുവരും മക്കളുടെ ചിത്രങ്ങൾ സോഷ്യൽമീ‍ഡിയയിൽ പങ്കുവെച്ചിരുന്നില്ല. കുറച്ച് കാലം മുമ്പാണ് ഇരുവരും ചിത്രങ്ങൾ പങ്കുവെച്ച് തുടങ്ങിയത്. ഇപ്പോൾ മക്കളുടെ വിശേഷങ്ങളെല്ലാം ഉടൻ തന്നെ അർപ്പിതയും ആയുഷും സോഷ്യൽമീഡിയയിൽ പങ്കുവെക്കും. അഹിൽ ശർമ, ആയത്ത് ശർമ ഇപ്പോൾ തന്നെ സെലിബ്രിറ്റികളാണ്. സൽമാൻ കുടുംബത്തിലെ പുതുതലമുറയുടെ ചിത്രങ്ങൾ പകർത്താൻ പാപ്പരാസികളും പരമാവധി ശ്രമിക്കാറുണ്ട്.

മക്കൾ ജനിച്ച ശേഷം ചിത്രങ്ങൾ പങ്കുവെക്കാൻ മടിച്ചതിന് പിന്നിലെ കാരണങ്ങൾ തുറന്ന് പറഞ്ഞിരിക്കുകയാണ് ഇപ്പോൾ ആയുഷ് ശർമ. മക്കളുടെ ചിത്രങ്ങൾ ട്രോളുകൾക്ക് കാരണമാകുന്നതും പരിഹസിക്കപ്പെടുന്നതും താൽപര്യമില്ലാത്തതിനാലാണ് മക്കളുടെ ചിത്രങ്ങൾ പങ്കുവെക്കാൻ താനും അർപ്പിതയും മടിച്ചത് എന്നാണ് ആയുഷ് ശർമ ഇപ്പോൾ വെളിപ്പെടുത്തിയിരിക്കുന്നത്. അടുത്തിടെ ബോളിവുഡ് ബബിളിന് നൽകിയ അഭിമുഖത്തിലാണ് ആയുഷ് ശർമ്മ താനും ഭാര്യ അർപ്പിതയും തങ്ങളുടെ മക്കളായ അഹിലും ആയത്തും മികച്ച രീതിയിൽ വളർത്തുന്നതിന് എടുത്ത തീരുമാനത്തെക്കുറിച്ച് തുറന്നുപറഞ്ഞത്. 'ഞാനും അർപ്പിതയും ഒരുമിച്ച് എടുത്ത തീരുമാനമായിരുന്നു അവരുടെ കുട്ടിക്കാലം സോഷ്യൽമീഡിയയിലെ കമന്റുകൾക്കൊണ്ടും ട്രോളുകൾക്കൊണ്ടും നശിപ്പിക്കരുത് എന്ന്. അതുകൊണ്ട് തന്നെയാണ് ചിത്രങ്ങൾ പങ്കുവെക്കാതിരുന്നത്' ആയുഷ് ശർമ പറയുന്നു.‌‌

Vicky Kaushal & Katrina Kaif’s Wedding Footage Rights Sold To Amazon Prime For A Whopping 80 Crores?

രണ്ടാമത്തെ കുഞ്ഞ് ജീവിതത്തിലേക്ക് വന്നതിന് ശേഷം ചില ചിത്രങ്ങളിൽ അനാവശ്യവും അരോചകവുമായ കമന്റുകൾ വന്നിരുന്നുവെന്നും ആയുഷ് ശർമ പറയുന്നു. അവരെ ഇത്ര ചെറുപ്പത്തിൽ തന്നെ ട്രോളുകൾക്ക് വിധേയമാക്കുന്നത് ഇഷ്ടമല്ലെന്നും അവർ വളരുമ്പോൾ തീരുമാനിച്ച് ഇഷ്ടപ്പെട്ട് സോഷ്യൽമീഡിയയിൽ അവർ തന്നെ സജീവമായികൊള്ളട്ടെ എന്ന അഭിപ്രായമാണുള്ളതെന്നും ആയുഷ് ശർമ പറയുന്നു. 2021 ഡിസംബർ 27 ന് ആയുഷ് ശർമ്മ തന്റെ ഐജി ഹാൻഡിൽ മകൾ അയാത്തിനൊപ്പമുള്ള രണ്ട് ചിത്രങ്ങൾ പങ്കിട്ടിരുന്നു. അളിയൻ സൽമാൻ ഖാനൊപ്പം അന്തിം: ദി ഫൈനൽ ട്രൂത്ത് എന്ന ചിത്രത്തിലാണ് ആയുഷ് അവസാനമായി അഭിനയിച്ചത്. സെറ്റിൽ സൽമാനുമായുള്ള തന്റെ സമവാക്യം എങ്ങനെയായിരുന്നു എന്നതിനെക്കുറിച്ച് ആയുഷ് പറഞ്ഞത് ഇങ്ങനെയായിരുന്നു. 'ഏറ്റവും വലിയ സൂപ്പർ സ്റ്റാറിനൊപ്പം പ്രവർത്തിക്കാൻ കഴിഞ്ഞത് ഭാഗ്യമായി കരുതുന്നു. അദ്ദേഹത്തോടൊപ്പം പ്രവർത്തിക്കാൻ സുഖമാണ്. എന്നാൽ സെറ്റിൽ അദ്ദേഹം സൽമാൻ ഖാൻ ആണെന്നതാണ് വാസ്തവം. അദ്ദേഹത്തിന്റെ സീനിയോറിറ്റിക്ക് എന്നും ബഹുമാനം നൽകാറുണ്ട് ഞാൻ' ആയുഷ് ശർമ പറഞ്ഞു.