അമിതാഭ് ചിത്രം പിങ്കിന്റെ മൂന്നു ദിവസത്തെ കളക്ഷന്‍ 20 കോടി !!

പിങ്ക്

അനിരുദ്ധ് റോയ് ചൗധരി സംവിധാനം ചെയ്ത ക്രൈം ത്രില്ലറായ പിങ്കില്‍ മുഖ്യവേഷം കൈകാര്യം ചെയ്യുന്നത് അമിതാഭ് ബച്ചനാണ്. ബൈ പോളാര്‍ മാനസികാവസ്ഥയുളള അഭിഭാഷകന്റെ റോളാണ് ചിത്രത്തില്‍ അമിതാഭിന്.

ചിത്രത്തിന്റെ പ്രമേയം

ദില്ലിയില്‍ തൊഴിലെടുത്തു ജീവിക്കുന്ന മൂന്നു വനിതകളുടെ ദൈനം ദിനജീവിതാവസ്ഥകളും അവര്‍ ചെന്നുപെടുന്ന കുരുക്കുകളുമെല്ലാമാണ് ചിത്രത്തിന്റെ പ്രമേയം

റീലീസായി ആദ്യ ദിവസം

ചിത്രം റിലീസായി ആദ്യ ദിവസം തന്നെ നേടിയത് നാലു കോടിയാണ് .രണ്ടാം ദിവസം എട്ടു കോടിയും നേടി. മൂന്നു ദിവസം കൊണ്ടാണ് ചിത്രത്തിന് 20 കോടി നേടാനായത്.

തപ്‌സി പന്നു

അമിതാഭിനെ കൂടാതെ തപ്‌സി പന്നു, കീര്‍ത്തി കുല്‍ഹരി, ആന്‍ഡ്രിയ, അംഗദ് ബേദി, പീയൂഷ് മിശ്ര തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നുണ്ട്. ജയബച്ചനും ചിത്രത്തില്‍ ചെറിയ വേഷം കൈകാര്യം ചെയ്യുന്നുണ്ട്.

അമിതാഭിന്റെ അഭിനയം

അമിതാഭ് ബച്ചന്റെ അഭിനയമാണ് ചിത്രത്തിന്റെ വിജയത്തിനു കാരണമെന്നാണ് വിലയിരുത്തുന്നത്. പ്രേക്ഷകരെ കൂടാതെ വിമര്‍ശകരും പിങ്കിനെ കുറിച്ച് സോഷ്യല്‍ മീഡിയയില്‍ നല്ല അഭിപ്രായമാണ് പങ്കുവയ്ക്കുന്നത്.