ഐശ്വര്യ റായിയെ പ്രണയിച്ചപ്പോള്‍ ധൈര്യം ചോര്‍ന്ന് പോയെന്ന് പ്രമുഖ നടന്റെ വെളിപ്പെടുത്തല്‍!

ഐശ്വര്യയുടെ സിനിമ

ഐശ്വര്യ റായി നായികയായി അഭിനയിക്കുന്ന പുതിയ സിനിമയാണ് ഫന്നി ഖാന്‍. അതുല്‍ മഞ്ചറേക്കര്‍ സംവിധാനം ചെയ്യുന്ന സിനിമയില്‍ അനില്‍ കപൂറും രാജകുമാര്‍ റാവുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.

രാജ്കുമാര്‍ റാവുവിന്റെ അനുഭവം

താന്‍ ഐശ്വര്യ റായിയുടെ കൂടെ അഭിനയിച്ചതിനെ കുറിച്ചുള്ള അനുഭവം തുറന്ന് പറഞ്ഞിരിക്കുകയാണ് താരം. ശരിക്കും പരിഭ്രാന്തി പിടിച്ച അവസ്ഥയിലാണ് താന്‍ സിനിമയില്‍ അഭിനയിച്ചതെന്നാണ് താരം പറയുന്നത്. അതിനുള്ള കാരണം ഇതാണ്...

പ്രണയം

സിനിമയില്‍ ആഷും റാവുവും കമിതാക്കളാണ്. എന്നാല്‍ അത്തരം രംഗങ്ങൡ അഭിനയിക്കുമ്പോള്‍ തന്റെ ധൈര്യം ചോര്‍ന്ന് പോയിരുന്നു. കാരണം എന്റെ ഉള്ളില്‍ ലോകത്തെ ഏറ്റവും സുന്ദരിയുടെ കൂടെയാണ് അഭിനയിക്കുന്നതെന്ന ബോധം ആയിരുന്നെന്നാണ് താരം പറയുന്നത്.

അനില്‍ കപൂര്‍

സിനിമയില്‍ അനില്‍ കപൂര്‍ ഒരു സംഗീതജ്ഞന്റെ വേഷത്തിലാണ് അഭിനയിക്കുന്നത്. താരം സാള്‍ട്ട് ആന്‍ഡ് പെപ്പര്‍ ലുക്കിലാണ് അഭിനയിക്കുന്നതെന്ന് പറഞ്ഞ് താരത്തിന്റെ പുതിയ ലുക്ക് കഴിഞ്ഞ ദിവസം അണിയറയില്‍ നിന്നും പുറത്ത് വന്നിരുന്നു.

മാധവന്റെ വേഷം

തമിഴ് നടന്‍ മാധവനെ ആയിരുന്നു രാജ് കുമാര്‍ റാവു അവതരിപ്പിക്കുന്ന കഥാപാത്രത്തിന് വേണ്ടി ആദ്യം പരിഗണിച്ചിരുന്നത്. എന്നാല്‍ ഐശ്വര്യ റായിയുടെ താല്‍പര്യമില്ലായ്മ കാരണം അദ്ദേഹം ആ വേഷം ഉപേക്ഷിക്കുകയായിരുന്നു.

കാരണം അതല്ല

എന്നാല്‍ പ്രതിഫലം കൂടുതല്‍ ചോദിച്ചത് കൊണ്ടാണ് താരം പുറത്തായതെന്നും വെറും പതിനഞ്ച് ദിവസത്തെ ഷൂട്ടിന് ഒന്നരക്കോടി രൂപയാണ് താരം ചോദിച്ചതെന്നും റിപ്പോര്‍ട്ടുകളുണ്ടായിരുന്നു.

മാധവന്‍ പറഞ്ഞത്

ഏറ്റെടുത്ത മറ്റ് സിനിമകളുടെ തിരക്കുകളിലായി പോയതിനാലാണ് തനിക്ക് സിനിമയില്‍ അഭിനയിക്കാന്‍ പറ്റാതെ പോയതെന്നായിരുന്നു സംഭവത്തെ കുറിച്ച് മാധവന്‍ പ്രതികരിച്ചിരുന്നത്.