ദീപികയ്ക്ക് വേണ്ടി രൺവീർ കാത്തിരുന്നത് മൂന്ന് വർഷം!! സിനിമയെ വെല്ലും, ദീപ് വീർ പ്രണയകഥ ഇങ്ങനെ...

ഇഷ്ടം തോന്നിയത് തനിയ്ക്ക്

സുഹൃത്തുക്കളായി ആറ് മാസം കഴിഞ്ഞപ്പോൾ തന്നെ തനിയ്ക്ക് ദീപികയോട് പ്രണയം തോന്നിയിരുന്നെന്നും രൺവീർ. തന്റെ ജീവിതത്തിലേയ്ക്കുളള പെൺകുട്ടി ദീപികയായിരിക്കുമെന്ന് തീരുമാനിക്കുകയായിരുന്നു. എന്നാൽ ദീപികയുടെ മറുപടിക്കായി മൂന്ന് വർഷം കാത്തിരിക്കേണ്ടി വന്നുവെന്നും രൺവീർ ഫിലിം ഫെയറിനോട് പറഞ്ഞു.

മില്ലേനിയം ഹസ്ബെന്റ്

മില്ലേനിയം ഹസ്ബെന്റ് എന്നാണ് രൺവീർ സ്വയം വിശേഷിപ്പിച്ചത്. ദീപികയുടെ ഭർത്താവാകാൻ വളരെ കാലം മുൻപ് തന്നെ താൻ തയ്യാറെടുപ്പുകൾ നടത്തിയിരുന്നു. ദീപികയുമായുളള റിലേഷൻ മനസിന്റെ ഉള്ളിൽ കൊണ്ടു നടന്നിരുന്നു. അവൾ അത്രയധികം നല്ല സ്ത്രീയാണെന്നും മികച്ച ഭാര്യയാകാനും എന്റെ മക്കളുടെ അമ്മയാകാനും ദീപികയ്ക്ക് കഴിയുമെന്നും രൺവീർ പറഞ്ഞു

ദീപികയുടെ വാക്ക്

കഴിഞ്ഞ മൂന്ന് വർഷമായി വിവാഹത്തിനെ കുറിച്ചുളള ആലോചന സീരിയസായി നടക്കുന്നുണ്ടായിരുന്നുവെന്നും രൺവീർ പറഞ്ഞു. എന്നാൽ ദീപിക വിവാഹത്തിന് തയ്യാറായിരുന്നില്ല. ദീപികയുടെ വാക്കിന് വേണ്ടി കാത്തിരിക്കുകയായിരുന്നെന്നും താരം പറഞ്ഞു. കൂടാതെ ദീപികയുടെ ആഗ്രഹ സാഫല്യത്തിനു വേണ്ടിയാണ് ഇറ്റലിയിലെ ലേക്ക് കൊമോയിൽ വെച്ച് വിവാഹം നടത്തിയത്. ദീപികയ്ക്ക് വിവാഹത്തെ കുറിച്ച് വ്യക്തമായ കാഴ്ചപ്പാടുണ്ട്. അത് സഫലികരിക്കാനാണ് ഞാനും ആഗ്രഹിച്ചതെന്നുംതാരം കൂട്ടിച്ചേർത്തു

ലോകത്തിലെ സുന്ദരിയായ പെൺകുട്ടി

ലോകത്തുലെ സുന്ദരിയായ പെൺകുട്ടിയെയാണ് താൻ വിവാഹം കഴിച്ചിരിക്കുന്നതെന്ന് രൺവീർ മുംബൈയിൽ സംഘടിപ്പിച്ച സൽക്കാരത്തിൽ പറഞ്ഞിരുന്നു. സഹോദരി റിതിക ന്യൂലി മ്യാരിട് കപ്പിൾസിന് സംഘടിപ്പിച്ച വിരുന്നിലായിരുന്നു രൺവീർ ഇക്കാര്യം പരസ്യമായി പറഞ്ഞത്. ദീപികയെ ‍ വേദിയിലേയ്ക്ക് ക്ഷണിക്കുന്നതിനിടെയാണ് രൺവീർ ഇക്കാര്യം പറഞ്ഞത്. എല്ലാവരും നിറഞ്ഞ കയ്യടിയോടെയായിരുന്നു താരത്തെ അന്ന് സ്വീകരിച്ചത്.

ഇനി ഡിസംബർ 1 ന്

നവംബർ 14, 15 തീയതികളിൽ ഇറ്റലിയിലെ ലേക്ക് കൊമോയിൽ വെച്ചായിരുന്നു താര വിവാഹം നടന്നത്. സിന്ധി, കൊങ്ങിണി ആചാര പ്രകാരമായിരുന്നു ഇരുവരുടേയും വിവാഹം. അടുത്ത ബന്ധുക്കളും സുഹൃത്തുക്കളും മാത്രമായിരുന്നു ദീപ്വീർ വിവാഹത്തിൽ പങ്കെടുത്തത്. സുഹൃത്തുക്കൾക്കും സഹപ്രവർത്തകർക്കും വേണ്ടി ഡിസംബർ 1 ന് വലിയ സൽക്കാരം സംഘടിപ്പിക്കുന്നുണ്ട്. ബോളിവുഡിലെ എല്ലാ താരങ്ങളും ഈ വിരുന്നിൽ ഉണ്ടാകും.