ബാഹുബലിയെ ഞെട്ടിച്ച് സച്ചിന്‍!!! റിലീസിന് മുമ്പേ തകര്‍ത്തത് ബാഹുബലിയുടെ റെക്കോര്‍ഡ്!!!

റിലീസിംഗ് തിയറ്ററുകളുടെ എണ്ണത്തില്‍ സച്ചിന്‍ ബാഹുബലി ദ കണ്‍ക്ലൂഷനെ കടത്തി വെട്ടും. ബാഹുബലി 6500 തിയറ്ററിലാണ് റിലീസ് ചെയ്ത്, അതേസമയം 7000 തിയറ്ററില്‍ സച്ചിന്‍ റിലീസിന് എത്തിക്കാനാണ് അണിയറ പ്രവര്‍ത്തകര്‍ പദ്ധതിയിടുന്നത്.

ഏറ്റവും അധികം ഇന്ത്യന്‍ ഭാഷകളില്‍ മൊഴിമാറ്റം ചെയ്യുന്ന ചിത്രമെന്ന റെക്കോര്‍ഡ് ഇനി സച്ചിന് സ്വന്തമാകും. ആറ് ഇന്ത്യന്‍ ഭാഷകളിലാണ് സച്ചിന്‍ മൊഴിമാറ്റി എത്തുന്നത്. ഹിന്ദിയില്‍ ചിത്രീകരിച്ച ചിത്രം തെന്നിന്ത്യന്‍ ഭാഷകളിലും മൊഴിമാറ്റി എത്തും.

ബോളിവുഡില്‍ ഇന്നേവരെ നടന്നതില്‍ വച്ച് ഏറ്റവും വലിയ പ്രീമിയര്‍ ഷോയാണ് സച്ചിന് വേണ്ടി ഒരുക്കിയത്. കായികം, സിനിമ, ബിസിനസ്, രാഷ്ട്രീയം എന്നീ രംഗങ്ങളിലെ പ്രമുഖര്‍ മെയ് 24ന് നടക്കുന്ന പ്രീമിയര്‍ ഷോയില്‍ പങ്കെടുത്തു. ഇതിന് മുമ്പ് വലിയ പ്രീമിയര്‍ ഷോ നടന്നത് മുഗള്‍ ഇ ആസം, ഷോലെ എന്നീ ചിത്രങ്ങള്‍ക്ക് വേണ്ടിയായിരുന്നു.

ക്രിക്കറ്റ് ഇതിഹാസം സച്ചിനെ തിരശീലയില്‍ പകര്‍ത്തുമ്പോള്‍ അണിയറയിലും പ്രമുഖരാണ്. ബ്രിട്ടീഷ് ചലച്ചിത്രക്കാരന്‍ ജെയിംസ് എര്‍സകിനാണ് ചിത്രം സംവിധാനം ചെയ്യുന്നത്. സംഗീതമൊരുക്കിയിരിക്കുന്നത് അക്കാദമി അവാര്‍ഡ് ജേതാവായ എആര്‍ റഹ്മാനാണ്. വന്‍ ബജറ്റിലിറങ്ങുന്ന ചിത്രം നിര്‍മിക്കുന്നത് രവി ഭഗ്ചന്ദ്കയും കാര്‍ണിവല്‍ മോഷന്‍ പിക്‌ചേഴ്‌സുമാണ്.

ചിത്രത്തിന്റെ ഏറ്റവും വലിയ പ്രത്യേകത ചിത്രത്തില്‍ ഒട്ടേറെ കഥാപാത്രങ്ങളെ യഥാര്‍ത്ഥ വ്യക്തികള്‍ തന്നെ അവതരിപ്പിക്കുന്നു എന്നതാണ്. സച്ചിനും ഭാര്യ അഞ്ജലിയും മക്കാള അര്‍ജുനും സാറ എന്നിവര്‍ക്കൊപ്പം മുന്‍ ഇന്ത്യന്‍ ക്യാപ്ടന്‍ എംഎസ് ധോനിയും വിരേന്ദര്‍ സേവാഗും അഭിനയിക്കുന്നുണ്ട്.