ദു:ഖം കടിച്ചമര്‍ത്തി വരുന്ന നടിയോട് ആരാധകര്‍ ഇങ്ങനെ ചെയ്യാന്‍ പാടുണ്ടോ?

ശശി കപൂറിന്റെ മരണം

ബോളിവുഡിന്റെ അതുല്യ പ്രതിഭയായിരുന്ന ശശി കപൂര്‍ വൃക്ക സംബന്ധമായ അസുഖത്തെ തുടര്‍ന്ന് ഇന്നലെയായിരുന്നു അന്തരിച്ചത്. താരത്തിനെ ഒരു നോക്ക് കാണുന്നതിനായി ബോളിവുഡില്‍ നിന്നുള്ള പ്രമുഖ താരങ്ങളെല്ലാം എത്തിയിരുന്നു.

കരീനയ്ക്കും സെയ്ഫിനും സംഭവിച്ചത്

കപൂര്‍ കുടുംത്തിലെ ബന്ധുവായ കരീന കപൂറും ഭര്‍ത്താവ് സെയ്ഫ് അലി ഖാനും ശശി കപൂറിന് ആദരാഞ്ജലി അര്‍പ്പിക്കാന്‍ എത്തിയപ്പോഴായിരുന്നു വഴി മുടക്കി ആരാധകര്‍ ഫോട്ടോ എടുക്കുന്നതിനായി മത്സരിച്ചത്. ഇതില്‍ പ്രകോപിതയായ കരീന ഭര്‍ത്താവിനോട് പറയുകയായിരുന്നു.

മാധ്യമങ്ങളോട് ചൂടായി സെയ്ഫ്

കാര്‍ മുന്നോട്ട് നീക്കാന്‍ ശ്രമിച്ചിട്ടും കഴിയാതെ വന്നതോടെ കാറിന്റെ ഗ്ലാസ് താഴ്ത്തി സെയ്ഫ് അലി ഖാന്‍ മാധ്യമങ്ങളോട് ചൂടാവുകയായിരുന്നു. ശേഷം ഒരുവിധത്തിലാണ് സെയ്ഫ് കാര്‍ ഓടിച്ച് മുന്നോട്ട് പോയത്.

കരീനയുടെ ദു:ഖം

ശശി കപൂറിന്റെ മരണത്തില്‍ അതീവ ദു:ഖിതയായിട്ടായിരുന്നു കരീന കപൂര്‍ എത്തിയിരുന്നതെന്ന് നടിയുടെ മുഖത്ത് നിന്നും വ്യക്തമായിരുന്നു. പുറത്ത് വന്ന വീഡിയോയില്‍ നടി അസ്വാസ്ഥത പ്രകടിപ്പിക്കുന്നതും കാണാം.