ആദ്യ ഭാര്യയുടെ പെര്‍ഫ്യൂം മുതല്‍ സൂക്ഷിച്ചിട്ടുണ്ട്; ഭര്‍ത്താവിന്റെ ഇഷ്ടങ്ങള്‍ക്ക് എതിരല്ലെന്ന് താരപത്‌നി വർദ

എന്നാല്‍ തന്റെ ഭര്‍ത്താവിന്റെ കൈയ്യില്‍ ഇപ്പോഴും ആദ്യ ഭാര്യയുടെ ഓര്‍മ്മയ്ക്കായി സൂക്ഷിച്ചിരിക്കുന്ന സാധനങ്ങളുണ്ടെന്നാണ് വര്‍ദ പറയുന്നത്. 'ആദ്യ ഭാര്യയുടെ പെര്‍ഫ്യൂമും മുടിയില്‍ ഉപയോഗിക്കുന്ന സാധനങ്ങളും' ഇപ്പോഴും സാജിദിന്റെ കൈയ്യിലുണ്ടെന്നാണ് ഭാര്യ വെളിപ്പെടുത്തിയത്. മാത്രമല്ല ദിവ്യയുടെ കുടുംബവുമായിട്ടും അദ്ദേഹത്തിന് അടുത്ത ബന്ധമുണ്ടെന്നും വര്‍ദ സൂചിപ്പിക്കുന്നു.

ദിവ്യയുടെ കുടുംബവുമായി സാജിദ് വളരെ അടുപ്പം കാത്തുസൂക്ഷിക്കാറുണ്ട്. മകള്‍ മരിച്ചതിന് ശേഷവും ദിവ്യയുടെ മമ്മയ്ക്കും അച്ഛനും സാജിദ് ഒരു മകനെ പോലെ തന്നെയാണ്. അച്ഛനും സഹോദരന്‍ കുനാലും സാജിദും തമ്മിലുള്ള ബന്ധത്തെ കുറിച്ച് ആര്‍ക്കും ചിന്തിക്കാന്‍ പോലും സാധിക്കില്ല. അവര്‍ സഹോദരന്മാരെ പോലെയാണ് സംസാരിക്കുക. പിന്നെ അദ്ദേഹത്തില്‍ നിന്നും അവളെ മാറ്റി നിര്‍ത്താന്‍ ഞാനും ശ്രമിച്ചിട്ടില്ല. ഞാന്‍ എനിക്ക് വേണ്ടി ഒരു സ്ഥാനം ഉണ്ടാക്കി വെച്ചിട്ടുണ്ട്. ഓര്‍മ്മകള്‍ എപ്പോഴും മനോഹരമാണ് എന്നുമാണ് വര്‍ദ പറഞ്ഞത്.

ദിവ്യ ഭാരതി വളരെ നല്ലവളായിരുന്നു. തീര്‍ച്ചയായും അവള്‍ നല്ലവളായിരുന്നു. ഞങ്ങള്‍ അവളെ സ്‌നേഹിക്കുന്നു. അവള്‍ എന്റെ ജീവിതത്തിന്റെ ഭാഗമാണെന്നും മുന്‍പൊരിക്കില്‍ വര്‍ദ പറഞ്ഞിരുന്നു. 2000 ത്തില്‍ വിവാഹിതരായ സാജിദിനും വര്‍ദയ്ക്കും രണ്ട് ആണ്‍കുട്ടികളാണ്. ഇപ്പോഴും മക്കളുടെ കൂടെ സന്തോഷത്തോടെ കഴിയുകയാണ് താരങ്ങള്‍.

വളരെ കുറഞ്ഞ കാലമേ ഈ ലോകത്ത് ജീവിച്ചിട്ടുള്ളു എങ്കിലും ഇന്ത്യയിലൊട്ടൊകെ അറിയപ്പെടുന്ന നിലയിലേക്ക് വളര്‍ന്ന നടിയാണ് ദിവ്യ ഭാരതി. തെലുങ്ക് സിനിമയിലൂടെ അഭിനയിച്ച് തുടങ്ങിയ നടി ബോളിവുഡിലേക്ക് ചുവടുവെച്ചു. ബോളിവുഡിലെ ഒട്ടുമിക്ക പ്രമുഖ താരങ്ങളുടെയും കൂടെ നടി അഭിനയിച്ചിരുന്നു. എന്നാല്‍ പത്തൊന്‍പതാം വയസിലെ നടിയുടെ മരണം ഇന്നും ദുരൂഹമായി തുടരുകയാണ്.