ബോക്‌സോഫീസില്‍ തകര്‍ന്നടിഞ്ഞു, സല്‍മാന്‍ ഖാന്‍ വിതരണക്കാര്‍ക്ക് നല്‍കുന്ന നഷ്ടപരിഹാര തുക

നഷ്ടടപരിഹാരം

ചിത്രത്തിന്റെ നിര്‍മാതാവായ സല്‍മാന്‍ ഖാന്‍ വിതരണക്കാര്‍ക്ക് നഷ്ടപരിഹാരമായി 55 കോടി നല്‍കാന്‍ വാക്കു കൊടുത്തിട്ടുണ്ട്. വിതരണക്കാരുമായി സല്‍മാന്‍ ഖാന്‍ കൂടികാഴ്ച നടത്തിയതായി ബോളിവുഡ് ലൈഫ് റിപ്പോര്‍ട്ട് ചെയ്യുന്നു.

വിതരണക്കാര്‍ വെളിപ്പെടുത്തി

സാധരണയായി സല്‍മാന്‍ ഖാന്റെ ചിത്രങ്ങള്‍ മൂന്ന് ദിവസംകൊണ്ട് 100 കോടി ബോക്‌സോഫീസില്‍ കടക്കാറുണ്ട്. അതേസമയം ജൂണ്‍ 23ന് എത്തിയ ട്യൂബ് ലൈറ്റ് ഒരാഴ്ചകൊണ്ട് പോലും ബോക്‌സോഫീസില്‍ നൂറ് കടന്നില്ലെന്ന് ചിത്രത്തിന്റെ വിതരണക്കാര്‍ മാധ്യമങ്ങളോട് പറഞ്ഞു.

നഷ്ടം 50 കോടി

വിതരണക്കാര്‍ക്ക് മൊത്തമായി ചിത്രം 50 കോടിയുടെ നഷ്ടം വരുത്തി വെച്ചതായി റിപ്പോര്‍ട്ടുകള്‍ പറയുന്നു. സിംഗിള്‍ സ്‌ക്രീന്‍ ഉടമകള്‍ക്ക് ഒരു കോടി രൂപയുടെ നഷ്ടമാണ് ഉണ്ടായത്.

ആരാധകര്‍ക്ക് പൈസ പോയി

വിതരണക്കാര്‍ക്ക് മാത്രമായിരുന്നില്ല, ടിക്കറ്റെടുത്ത് സിനിമ കാണാന്‍ എത്തിയവരെയും ട്യൂബ് ലൈറ്റ് നിരാശരാക്കി. റിലീസിന് മുമ്പ് വലിയ പ്രതീക്ഷയോടെയാണ് ആരാധകര്‍ കാത്തിരുന്നത്.

തനിക്ക് ഉറപ്പുണ്ട്

ചിത്രത്തിന്റെ പരാജയത്തെ കുറിച്ച് അടുത്തിടെ ഒരു ഇവന്റില്‍ വെച്ച് പറയുകയുണ്ടായി. ചിത്രത്തില്‍ തന്റെ അഭിനയം മോശമായിരുന്നില്ലെന്നും അക്കാര്യത്തില്‍ എനിക്ക് ഉറപ്പുണ്ടെന്നും സല്‍മാന്‍ ഖാന്‍ പറഞ്ഞു. വിതരണക്കാര്‍ക്കുണ്ടായ നഷ്ടം താന്‍ പരിഹരിച്ചോളമെന്നായിരുന്നു സല്‍മാന്‍ ഖാന്‍ പറഞ്ഞത്.