നടന്‍ റോഷനുമായി അപ്രതീക്ഷിതമായിട്ടുണ്ടായ ചുംബന രംഗമാണ്; പുതിയ സിനിമയെ കുറിച്ച് ബോളിവുഡ് നടി ഷെഫാലി ഷാ

ആലിയ അവതരിപ്പിച്ച ബദ്രു എന്ന കഥാപാത്രവും നടി ഷെഫാലി ഷാ യുടെ ഷംസു എന്ന കഥാപാത്രവും അമ്മയും മകളുമാണ്. ഇരുവരെയുമാണ് ഡാര്‍ലിങ്‌സ് എന്ന് വിളിക്കുന്നത്. ബദ്രുവിനെ ഉപദ്രവിക്കുന്ന ഭര്‍ത്താവ് ഹംസയുടെ വേഷത്തിലാണ് നടന്‍ വിജയ് വര്‍മ്മ എത്തുന്നത്. അതേ സമയം ബദ്രുവിനെയും അമ്മയെയും സഹായിക്കുന്ന അവരുടെ സുഹൃത്തും വിശ്വസ്തനുമാണ് റോഷന്‍ മാത്യുവിന്റെ സുല്‍ഫി എന്ന കഥാപാത്രം.

ബദ്രുവിനും അമ്മയ്ക്കും സഹായമായി നില്‍ക്കുകയാണെങ്കിലും സുല്‍ഫിയ്ക്ക് ബദ്രുവിനെ ഇഷ്ടമാണെന്നാണ് എല്ലാവരും കരുതുന്നത്. എന്നാല്‍ അമ്മയോടാണ് ഇഷ്ടമെന്ന് അദ്ദേഹം വെളിപ്പെടുത്തുന്നു. അങ്ങനെ പ്രധാനപ്പെട്ടൊരു രംഗത്തിലെത്തി നില്‍ക്കുമ്പോള്‍ ഷെഫാലി ഷാ യുടെ കഥാപാത്രം റോഷനെ ചുംബിക്കുന്നുണ്ട്. സാധാരണ പോലെ സംഭവിക്കുന്ന ഒരു ചുംബനം മാത്രമായിരുന്നു അത്. എന്നാല്‍ സിനിമയിലാണെങ്കിലും പ്രായമുള്ള സ്ത്രീയും ചെറുപ്പക്കാരനും തമ്മിലെ ചുംബനം എങ്ങനെ ചിത്രീകരിച്ചെന്ന് ചോദിക്കുന്നവരോടും താരങ്ങള്‍ തന്നെ തുറന്ന് പറയുകയാണ്.

'സിനിമയുടെ സ്‌ക്രീറ്റ് വായിക്കുമ്പോള്‍ ഇതന്നെ എന്നെ അമ്പരിപ്പിച്ചിരുന്നു. എന്നെ സര്‍പ്രൈസിലാക്കിയ രണ്ട് നിമിഷങ്ങള്‍ സിനിമയിലുണ്ടെന്നാണ്' ഷെഫാലി ഷാ പറയുന്നത്. ഷംസുവിന്റെ പഴയകാലത്തിലേക്ക് പോവുന്നത് അപ്രതീക്ഷിതമായിരുന്നു. സുല്‍ഫിയുമായി വാക്ക് തര്‍ക്കമുണ്ടാവുന്ന സമയത്ത് അവന്റെ വായടപ്പിക്കാന്‍ പറ്റിയ ഏറ്റവും നല്ല മാര്‍ഗം ഇതാണെന്നാണ് കരുതിയത്.

'ശരിക്കും ഇത് മധുരമുള്ള ലോലമായ നിമിഷമാണ്. അതിനെ നന്നായി കൈകാര്യം ചെയ്യേണ്ടതുണ്ട്. സുല്‍ഫിയെ അടക്കി നിര്‍ത്താനാണ് ഈ രംഗം ചെയ്തതെങ്കിലും അത് ചെയ്യുന്ന രീതി എന്നെ അത്ഭുതപ്പെടുത്തി. മനോഹരമായിട്ടുള്ള നിമിഷമാണതെന്ന് താന്‍ കരുതുന്നതായി' ഷെഫാലി പറയുന്നു.

വളരെ ലളിതമായി ചിത്രീകരിച്ചത് കൊണ്ടാണ് ഈ രംഗം സ്വാധീനം ചെലുത്തിയതെന്ന് റോഷനും പ്രതികരിച്ചു. അതേ സമയം സിനിമയുടെ ഒരു ഷോട്ടില്‍ ഞാന്‍ അവനെ ചുംബിക്കാനായി ഓടിച്ചെന്നു. എന്നാല്‍ തന്റെ കൈയ്യിലുണ്ടായിരുന്ന ബാഗാണ് ഞങ്ങളുടെ മുഖത്ത് തട്ടിയത്. അതോടെ ഞങ്ങള്‍ രണ്ടാളും ആദ്യം ആ ബാഗിന് ഉമ്മ കൊടുത്തതായി ഷെഫാലി പറയുന്നു.