ആ കാര്യത്തിൽ തൈമൂറിനെ ഒരിക്കലും സഹായിക്കില്ലെന്ന് കരീന! അവന് സ്വന്തം വഴി, വായടപ്പിച്ച് നടി

ബോളിവു്ഡ് മാധ്യമങ്ങളിലും ഗോസിപ്പ് കോളങ്ങളിലും ഏറ്റവും കൂടുതൽ ചർച്ചയായ താരപുത്രനാണ് കരീന-സെയ്ഫ് ദമ്പതികളുടെ മകനായ തൈമൂർ അലിഖാൻ. തൈമൂർ ജനിച്ചപ്പോൾ മുതൽ വാർത്തകളിൽ ഇടം പിടിച്ചിരുന്നു. ബോളിവുഡിലെ ക്യൂഡ് സ്റ്റാർ കിഡ് എന്നാണ് ടിമ്മിനെ അറിയപ്പെടുന്നത്. തീരെ കുഞ്ഞായിരുന്നപ്പോൾ തന്നെ തൈമൂറിന് പിന്നാലെ ക്യാമറയുമായി പാപ്പരാസികൾ പാഞ്ഞ് അടുക്കുമായിരുന്നു. ഇതിനെതിരെ രൂക്ഷ വിമർശനവുമായി കരീനയും സെയ്ഫും രംഗത്തെത്തിയിരുന്നു.

Recommended Video

വായടപ്പിക്കുന്ന മറുപടിയുമായി കരീന കപൂര്‍

സിനിമയിൽ മുഖം കാണിക്കാതെ തന്നെ തൈമൂർ വളരെ ചെറുപ്പത്തിൽ തന്നെ സ്റ്റാർ ആകുകയായിരുന്നു.. ഇപ്പോഴിത മകന്റെ ഭാവിയെ കുറിച്ച് കരീന. എല്ലാവർക്കും അവരുടേതായ ആഗ്രഹങ്ങളുണ്ടാകും. അവർക്ക് അർഹമായത് ജീവിതത്തിൽ ലഭിക്കുകയും ചെയ്യും. രാജ്യത്ത് ഏറ്റവുമധികം ഫോട്ടോയിൽ ഇടം പിടിച്ച കുട്ടികളിലൊരാണ് തൈമൂർ. എന്ന് കരുതി അവൻ രാജ്യത്തെ ഏറ്റവും വലിയ താരമാകാൻ പോകുന്നു എന്നല്ല ഇതിന്റെ അർഥം . മകൻ സ്വന്തം കാലിൽ നിൽക്കണമെന്ന് ആഗ്രഹിക്കുന്ന അമ്മയാണ് താൻ. തൈനൂറിന്റെ ആഗ്രഹം പോലെയാണ് ഭാവിയെന്നും നടി കൂട്ടിച്ചേർത്തു.

അച്ഛനമ്മരുടെ പ്രശസ്തിയും പേരും ഉപയോഗിച്ച് മാത്രം വിജയം നേടാൻ കഴിയില്ലെന്ന് കരീന അഭിമുഖത്തിൽ വ്യക്തമായി പറയുന്നുണ്ട്. ഒറ്റയ്ക്കുള്ള അവന്റെ യാത്ര തുടങ്ങുമ്പോൾ തന്നെ സ്വന്തം വഴി കണ്ടെത്തേണ്ടതുണ്ട്, മാതാപിതാക്കൾ എന്ന നിലയിൽ അവർ അവനെ ഒരു തരത്തിലും സഹായിക്കാൻ പോകുന്നില്ലെന്നും അവർ കൂട്ടിച്ചേർത്തു. കരീനയുടെ വാക്കുകൾ ബോളിവുഡ് കോളങ്ങളിൽ ചർച്ചയായിട്ടുണ്ട്. സ്വജനപക്ഷപാതത്തിനെ ഏറ്റവും കുടുതൽ വിമർശനം കേൾക്കേണ്ടി വന്ന താരമാണ് കരീന.

രണ്ടാമതും അമ്മയാകാൻ തയ്യാറെടുക്കുകയാണ് കരീന. പുതിയ അതിഥിയെ കാത്തിരിക്കുകയാണ് കരീനയുടേയും സെയ്ഫ് അലിഖാന്റേയും കുടുംബാംഗങ്ങൾ.കരീനയുടെ പിതാവ് പിങ്ക് വില്ലയ്ക്ക് നൽകിയ അഭിമുഖത്തിലാണ് ഇക്കാര്യം ആദ്യം വെളിപ്പെടുത്തിയത്. പിന്നീട് സെയ്ഫ് അലിഖാന്റെ 50ാം പിറന്നാൾ ദിനത്തിൽ പുതിയ അതിഥിയുടെ വരവ് ഔദ്യോഗികമായി തന്നെ പ്രഖ്യാപിക്കുകയായിരുന്നു. കരീനയ്ക്കും സെയ്ഫിനും ആശംസയുമായി ബോളിവുഡും ആരാധകരും രംഗത്തെത്തിയിട്ടുണ്ട്. സിനിമ ചിത്രീകരണ തിരക്കിലാണ് കരീന ഇപ്പോൾ.