'അർധരാത്രിയും ഷാഹിദിനെ ഫോൺ വിളിക്കാനുള്ള സ്വാതന്ത്ര്യം എനിക്കുണ്ട്, അവന് എന്നെ മനസിലാകും'; കരീന കപൂർ

'എന്നാൽ ഷാഹിദുമായുള്ള എന്റെ ബന്ധം ഒരുപാട് ദൂരം മുന്നോട്ട് പോകേണ്ട ഒരു സൗഹൃദമാണെന്ന് എനിക്ക് പറയാൻ കഴിയും' എന്നാണ് കരീന പറഞ്ഞത്. ഷാഹിദുമായി തനിക്ക് എത്രമാത്രം ആഴത്തിലുള്ള ബന്ധമാണെന്നും കരീന ഒരിക്കൽ വിശദീകരിച്ചിരുന്നു.

'എനിക്ക് എന്തെങ്കിലും വിഷമമുണ്ടെങ്കിൽ രാത്രി 12.30 ന് വരെ ഞാൻ അവനെ വിളിച്ച് എനിക്ക് ഇന്ന് ഒരു മോശം ദിവസം ആയിരുന്നു... എനിക്ക് ഒരു മോശം സീൻ ഉണ്ടായിരുന്നു എന്നിവയെല്ലാം പറയാം പറ്റും.'

'അത്തരം കാര്യങ്ങൾ എനിക്ക് ഷാ​ഹിദിനോട് സംസാരിക്കാം. കാരണം അവൻ ഒരു നടൻ കൂടിയാണ്. അവന് എന്നെ തിരിച്ചറിയാൻ കഴിയും. മാത്രമല്ല എന്റെ മറ്റ് മുതിർന്ന അഭിനേതാക്കളിൽ നിന്ന് വ്യത്യസ്തമായി കോളേജിൽ പോകുന്ന ഒരു പയ്യനെപ്പോലെയാണ് ഷാഹിദിനെ കാണുമ്പൾ എനിക്ക് തോന്നാറുള്ളത്.'

'അവന്റെ പ്രായം എനിക്ക് വേണ്ടി പ്രവർത്തിച്ചുവെന്ന് ഞാൻ കരുതുന്നു. അവന് 23 വയസാണ് പ്രയം. മറ്റേതൊരു പുരുഷ സുഹൃത്തിനേക്കാളും വ്യത്യസ്തമായി എനിക്ക് എളുപ്പത്തിലും സ്വതന്ത്രമായും ഷാഹിദിനോട് സംസാരിക്കാൻ കഴിയും. എനിക്ക് ഷാഹിദിനൊപ്പം ആയിരിക്കാൻ ഇഷ്ടമാണ്.'

'അവനൊപ്പം ഇരിക്കുമ്പോൾ‌ വളരെ നോർമലായിരിക്കും കാര്യങ്ങൾ' കരീന പറഞ്ഞു. ഇത്രയേറെ മനസിലാക്കി മുന്നോട്ട് പോയ ഇരുവരുടേയും ബന്ധം പക്ഷെ പിന്നീട് വഷളായി. ഇരുവരും പരസ്പരം മിണ്ടാതെയായി. കരീനയുമായുള്ള ബന്ധത്തെ കുറിച്ച് ഷാഹിദും പലപ്പോഴായി സംസാരിച്ചിട്ടുണ്ട്.

'ഞാൻ വളരെ മൂഡിയാണ്. ചിലപ്പോൾ ഞാൻ വളരെ റൊമാന്റിക് ആകുകയും അവളെ ലോങ് ഡ്രൈവിന് കൊണ്ടുപോകുകയും ചെയ്യും. മറ്റ് സമയങ്ങളിൽ എനിക്ക് വളരെ സ്പോർട്ടി ആയിരിക്കാനും. മികച്ച കാമുകൻ, മികച്ച മകൻ, മികച്ച സഹോദരൻ, മികച്ച നടൻ എന്നിങ്ങനെ എല്ലാത്തിലും മികച്ചവനാകാൻ ഞാൻ ശ്രമിക്കാറുണ്ട്.'

'ഞങ്ങൾ വ്യത്യസ്ത വ്യക്തിത്വങ്ങളുള്ളവരാണ്. അവൾ അങ്ങേയറ്റം തുറന്ന് സംസാരിക്കുന്നവളും പെട്ടന്ന് റിയാക്ട് ചെയ്യുന്നവളുമാണ്.'

'ഞാൻ നേരെ വിപരീതമാണ്. അതുകൊണ്ട് ഞങ്ങൾ പരസ്പരം ശൂന്യമായ ഇടങ്ങൾ നിറയ്ക്കും. അതിനാൽ പരസ്പരം ശക്തിയും ബലഹീനതയും സന്തുലിതമാക്കുന്നു. അതാണ് ഞങ്ങളെ ഒരുമിച്ച് നിർത്തുന്നത്' ഷാഹിദ് കപൂർ പറഞ്ഞു.

കാര്യങ്ങളിങ്ങനെയൊക്കെയാണെങ്കിലും രണ്ട് പേരും രണ്ട് വഴിക്ക് പിരിഞ്ഞു. ഷാഹിദ് പിന്നീട് മിറ രജ്പുത്തിനെ വിവാഹം ചെയ്തു. ആ ബന്ധത്തിൽ രണ്ട് കുഞ്ഞുങ്ങളുണ്ട് ഷാഹിദിന്. കരീന കപൂർ വിവാഹമോചിതനായ സെയ്ഫ് അലി ഖാനെയാണ് വിവാഹം ചെയ്തത്. ആ ബന്ധത്തിൽ തൈമൂർ, ജംഹാം​ഗീർ എന്നീ രണ്ട് മക്കളുണ്ട് താരത്തിന്.