ഉമ്മ വെക്കാന്‍ പറ്റില്ലെന്ന് പറഞ്ഞതോടെ കാമുകി ഇട്ടിട്ട് പോയി; എന്റെ നാണമാണ് അതിന് കാരണമെന്ന് അക്ഷയ് കുമാര്‍

ഹൗസ്ഫുള്‍ 4 എന്ന സിനിമയുടെ പ്രൊമോഷനുമായി നടന്‍ കപില്‍ ശര്‍മ്മയുടെ ഷോ യില്‍ മുന്‍പ് അക്ഷയ് കുമാര്‍ എത്തിയിരുന്നു. മൂന്നാല് തവണ ഡേറ്റിങ്ങിന് പോയതിന് ശേഷം ഒരു പെണ്‍കുട്ടി തന്നെ ഉപേക്ഷിച്ച് പോയതിന്റെ കാരണം ഈ പരിപാടിയില്‍ വച്ചാണ് അക്ഷയ് വെളിപ്പെടുത്തിയത്. തന്റെ ആദ്യത്തെ കാമുകിയായിരുന്നു അത്. ഞങ്ങള്‍ രണ്ടാളും സിനിമ കാണാനും ഉഡിപ്പിയിലെ ഒരു റസ്റ്റോറന്റില്‍ ഭക്ഷണം കഴിക്കാനുമൊക്കെ പോയിട്ടുണ്ട്. എന്നാല്‍ ഇതെല്ലാം അവഗണിച്ച് ആ പെണ്‍കുട്ടി പ്രണയം നിരസിച്ചു.

'ഞാന്‍ എല്ലാത്തിനും നാണിച്ച് നില്‍ക്കുമെന്നതായിരുന്നു അവളുടെ പ്രശ്‌നം. ഞാന്‍ ഒരിക്കലും അവളുടെ തോളില്‍ കൈ വെക്കുകയോ അവളുടെ കൈ പിടിച്ച് നടക്കുകയോ ചെയ്തിട്ടില്ല. ഞാന്‍ അവളുടെ കൈയ്യില്‍ പിടിച്ച് ചുംബിക്കണമെന്ന് അവള്‍ ആഗ്രഹിച്ചു. പക്ഷേ അങ്ങനെ ചെയ്യാന്‍ ഞാന്‍ തയ്യാറായില്ല. ഇതോടെ അവള്‍ എന്നെ ഉപേക്ഷിച്ച് പോയി' എന്നുമാണ് അക്ഷയ് പറഞ്ഞത്.

ഇതില്‍ നിന്നും എന്ത് പാഠമാണ് പഠിച്ചതെന്ന് കപില്‍ ശര്‍മ്മ ചോദിച്ചപ്പോള്‍ 'ഞാന്‍ അവിടെ നിന്നും ഒരു യൂടേണ്‍ എടുത്ത് എന്റെ ശൈലികള്‍ മുഴുവനായും മാറ്റിയെന്നും' അക്ഷയ് പറയുന്നു. എന്തായാലും ഇത്രയും സൂപ്പറായി തിളങ്ങി നില്‍ക്കുന്ന നടന്റെ ആദ്യ പ്രണയം ഇങ്ങനെയായിരുന്നോ എന്ന് ചോദിച്ചാല്‍ ആരാധകരും മൂക്കത്ത് വിരല്‍ വെക്കും.

എന്തായാലും സിനിമയിലേക്ക് എത്തിയതിന് ശേഷം പ്രണയിക്കാന്‍ അറിയാത്ത ആളാണെന്ന ലേബല്‍ അക്ഷയ് മാറ്റി എടുത്തു. പ്രമുഖരായ നടിമാരുടെ കൂടെ പ്രണയരംഗങ്ങളില്‍ അഭിനയിച്ച് നടന്‍ തിളങ്ങി. ഏറെ കാലത്തെ പ്രണയത്തിനൊടുവിലാണ് നടി കൂടിയായ ട്വിങ്കിള്‍ ഖന്നയെ അക്ഷയ് വിവാഹം കഴിച്ചത്. 2001 ജനുവരിയിലായിരുന്നു താരവിവാഹം. അടുത്തിടെ താരങ്ങള്‍ ഇരുപതാം വിവാഹ വാര്‍ഷികം ആഘോഷിച്ചതും ശ്രദ്ധേയമായിരുന്നു.

വര്‍ക്കിന്റെ കാര്യം നോക്കുകയാണെങ്കില്‍ റാം സേട്ടു എന്ന സിനിമയാണ് അക്ഷയ് കുമാറിന്റേതായി ഉടന്‍ വരാനിരിക്കുന്നത്. സെല്‍ഫീ, ഒമൈഗോഡ്-2, തമിഴിലെ സുരൈ പോട്രിന്റെ ഹിന്ദി റീമേക്ക് തുടങ്ങി നിരവധി ചിത്രങ്ങള്‍ അക്ഷയ്‌യുടേതായി വരാനിരിക്കുന്നുണ്ട്.