'മദ്യത്തിന് അടിമയായിരുന്നു രൺവീർ', മുൻ കാമുകനെ കുറിച്ച് പൂജ, അച്ഛനും മകൾക്കുമെതിരെ നടന്റെ പ്രതികരണം

രൺവീറുമായി വേർപിരിഞ്ഞതിന്റെ കാരണം വെളിപ്പെടുത്തി പൂജ രംഗത്ത് എത്തിയിരുന്നു. 2020 ൽ പ്രസിദ്ധീകരിച്ച ഒരു ലേഖനത്തിലാണ് രൺവീറുമായുള്ള ബ്രേക്കപ്പിനെ കുറിച്ച് പൂജ വെളിപ്പെടുത്തിയത്. ''തന്നെ ഉപദ്രവിക്കുന്ന മദ്യപാനിയുമായ ഒരാളുമായി തനിക്ക് പ്രണയമുണ്ടായിരുന്നു'' എന്നാണ് ലേഖനത്തിൽ പൂജ പറഞ്ഞത്. രൺവറിന്റെ മോശമായ പെരുമാറ്റത്തെ കുറിച്ചും മദ്യത്തിനോടും ലഹരിയോടുമുള്ള താൽപര്യത്തെ കുറിച്ചും പൂജ പറഞ്ഞിരുന്നു. ഇതാണ് പ്രണയ പരാജയത്തിന്റെ കാരണമായി താരം പറഞ്ഞത്.

പൂജ ഭട്ടിന്റെ വാക്കുകൾ ബോളിവുഡിൽ വലിയ ചർച്ചയായിരുന്നു. ഇതിനെതിരെ രൺവീർ ഷൂരി രംഗത്ത് എത്തുകയും ചെയ്തിരുന്നു. ട്വിറ്ററിലൂടെയായിരുന്നു ഇതിനെ കുറിച്ച് പ്രതികരിച്ചത'' കഴിഞ്ഞ കുറച്ച് വർഷങ്ങളായി സിനിമ മുതലാളിമാർ തന്നെ ലക്ഷ്യമിട്ട് കൊണ്ട് അപകീര്‍ത്തിപ്പെടുത്തുന്ന തരത്തിലുള്ള പിആർ ക്യാപെയിനുകളുടെ ഫലമാണ് ഇത്തരത്തിലുള്ള ലേഖനങ്ങൾ. പഴയ പോലീസ് മാധ്യമ രേഖകളും പരിശോധിക്കാൻ തയ്യാറാവുന്നില്ല. അവരാണ് തന്നെ അപമാനിച്ചിരിക്കുന്നതെന്നാണ്'' അദ്ദേഹം ട്വിറ്ററിൽ കുറിച്ചു.

രൺവീറുമായുള്ള ബ്രേക്കപ്പിന് ശേഷം പൂജ മനീഷ് മഖിജയുമായി പ്രണയത്തിലാവുകയായിരുന്നു. പിന്നീട് ഇരുവരും വിവാഹിതരാവുകയായിരുന്നു, നടന്റെ അടുത്ത സുഹൃത്തായിരുന്നു മനീഷ്. ഇവരുടെ വിവാഹ ചിത്രങ്ങൾ രൺവീർ പങ്കുവെയ്ക്കുകയും വിമർശിക്കുകയു ചെയ്തിരുന്നു. ഈ ട്വിറ്റ് വലിയ ചർച്ചയായിരുന്നു. പൂജ ഭട്ടുമായുള്ള ബന്ധം അവസാനിപ്പിച്ചതിന് ശേഷം രൺവീർ നടി കൊങ്കണ സെന്നിനെ വിവാഹം കഴിക്കുകയായിരുന്നു. എന്നാൽ പിന്നീട് ഇരുവരും വേർപിരിയുകയായിരുന്നു.

200 3 ൽ ആയിരുന്നു പൂജ ഭട്ടും മനീഷ് മഖിജയും തമ്മിലുള്ള വിവാഹം. 11 വർഷത്തെ ദാമ്പത്യത്തിന് ശേഷം 2014 ൽ ഇരുവരും ബന്ധം വേർപിരിയുകയായിരുന്നു. താരം തന്നെയാണ് വിവാഹ മോചനത്തിനെ കുറിച്ച് വെളിപ്പെടുത്തിയത്.'' എന്നെ ഇഷ്ടപ്പെടുന്ന എല്ലാവര്‍ക്കും, പ്രത്യേകിച്ച് എന്റെ ഭര്‍ത്താവിനെ ഇഷ്ടമില്ലാത്തവര്‍ക്കുവേണ്ടി, മുന്നയും ഞാനും 11 വര്‍ഷത്തെ വിവാഹജീവിതം അവസാനിപ്പിക്കാൻ തീരുമാനിക്കുകയാണ്.തങ്ങള്‍ രണ്ടുപേരും പൊതു ജീവിതത്തിന്റെ ഭാഗമാണെന്നും അതിനാല്‍ വിവാഹമോചനം സംബന്ധിച്ച് സുഹൃത്തുക്കള്‍ക്കും മറ്റും ഊഹിക്കാമെന്നും'' പൂജ ട്വീറ്റ് ചെയ്തിരുന്നു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

2010 ലാണ് കൊങ്കണയും രൺവീറും വിവാഹിതരാവുന്നത്. എന്നാൽ 2015ഓടെ ഇവർ അകന്ന് ജീവിക്കുകയായിരുന്നു. വീണ്ടും 5 വർഷത്തിന് ശേഷമാണ ഇരുവരും നിയമപരമായി വേർപിരിയുന്നത്. ഇവർക്ക് ഹാരൂൺ എന്നൊരു മകനുണ്ട്. വിവാഹമോചനത്തിന് ശേഷവും ഞങ്ങൾ രണ്ട് പേരും നല്ല സുഹൃത്തുക്കളായിരിക്കുമെന്ന് കൊങ്കണ സെൻ വേർപിരിയൽ വാർത്ത പങ്കുവെച്ച കൊണ്ട് വെളിപ്പെടുത്തിയിരുന്നു. രണ്ട് പേരുടേയും സംരക്ഷണയിലാണ് മകൻ. പ്രണയ വിവാഹമായിരുന്നു ഇവരുടേത്.