തന്നോട് പൊക്കിൾച്ചുഴി കാണിക്കാൻ ആവശ്യപ്പെട്ടു!! ബോളിവുഡ് സംവിധായകനെതിരെ നടി റിച്ച ഛദ്ദ

വാണിജ്യപരമയി ഉപയോഗിക്കുന്നു

ബോളിവുഡിൽ നിന്ന് ദിനംപ്രതി അപമാനകരമായ സംഭവ വികാസങ്ങളാണ് ഉണ്ടായി വരുന്നതെന്ന് നടി റിച്ച ഛദ്ദ. ബോളിവുഡിലെ ഭൂരിഭാഗം പേരും സ്ത്രീകളെ വാണിജ്യപരമായിട്ടാണ് കാണുന്നതെന്നും റിച്ച പറഞ്ഞു. നടി മാത്രമല്ല പല താരങ്ങളും ഇതിനു സമാനമായ അഭിപ്രായങ്ങൾ മുൻപ് പല അവസരത്തിലും രേഖപ്പെടുത്തിയിരുന്നു. മീടു മൂവ്മെന്റ് ശക്തമായതിനു പിന്നാലെയായിരുന്നു നടിമാർ അഭിപ്രായം രേഖപ്പെടുത്തി രംഗത്തെത്തിയത്.

പാന്റ് അഴിക്കാൻ ആവശ്യപ്പെട്ടു

ഒരു ദേശീയ മാധ്യമം സംഘടപ്പിച്ച സഹിത്യോത്സവത്തിലാണ് റിച്ച തനിയ്ക്ക് നേരിടേണ്ടി വന്ന ദുരനുഭവം പങ്കുവെച്ചത്. ഒരു സിനിമയുടെ ചിത്രീകരണത്തിനിടെയാണ് തനിയ്ക്ക് സംവിധായകനിൽ നിന്ന് ദുരനുഭവം ഉണ്ടായതെന്ന് താരം പറഞ്ഞു. ചിത്രീകരണത്തിനിടെ ഹൈവെയ്സ്റ്റ് പാന്റ് ധരിച്ച് സെറ്റിലെത്തിയ എന്നോട് പൊക്കിൾച്ചുഴി കാണിക്കണമെന്ന് സംവിധായകൻ ആവശ്യപ്പെടുകയായിരുന്നു. ഹൈ വെയ്സ്റ്റ് പാന്റ്സ് ധരിക്കുമ്പോൾ എങ്ങനെ പൊക്കിൾ ചുഴി കാണിക്കുക എന്നത് എല്ലാവർക്കും ഊഹിക്കാമല്ലോ?എന്നും താരം ചോദിക്കുന്നുണ്ട്.

ശരീരത്ത് മാർക്കർ ഉപോഗിച്ച് വരച്ചു

എന്നാൽ ഇതിനോട് താൻ പ്രതികരിച്ചുവെന്നും നടി പറഞ്ഞു. നെറ്റിയിലും കവിളിലും മാർക്കർ പേന ഉപയോഗിച്ച് പൊക്കിൾ വരച്ച് കാട്ടിയാണ് താൻ ഇതിനോട് പ്രതികരിച്ചതെന്നും നടി പറഞ്ഞു. താരങ്ങളോട് മോശമായി പെരുമാറുന്നവരെ തുറന്നു കാട്ടുന്നവർക്ക് അവസരം നിഷേധിക്കുകയും അവരെ ഒറ്റപ്പെടുത്തുകയും ചെയ്യാറുണ്ടെന്നും റിച്ച പറഞ്ഞു. അതിക്രം തുറന്നു പറഞ്ഞ പല നടിമാരും ഇതേ അഭിപ്രായം തന്നെയായിരുന്നു പറഞ്ഞിരുന്നത്.

സിനിമയുടെ മറവിൽ ദുരുപയോഗം

ബോളിവുഡിലെ പല സംവിധാകന്മാർക്കും സിനിമ എടുക്കുന്നതിനേക്കാൾ താൽപര്യം മറ്റു പലകാര്യങ്ങളിലാണെന്നും നടി പറഞ്ഞു. സിനിമ യുടെ മറവിൽ സ്ത്രീകളെ ദുരുപയോഗം ചെയ്യാനാണ് ഇത്തരക്കാർക്ക് താൽപര്യം. നാനാ പടേക്കറിനെതിരെയുള്ള തനുശ്രീ ദത്തയുടെ വെളിപ്പെടുത്തലിനോടും മതപുരോഗതിനെതിരെയുളള കന്യാസ്ത്രീമാരുടെ തുറന്നു പറച്ചിലിനോട് സമൂഹം എങ്ങനെ പ്രതികരിച്ചോ. അത് തന്നെയാണ് ബോളിവുഡിലും നടക്കുന്നതെന്നും റിച്ച പറഞ്ഞു.

ഷക്കീല ചിത്രം

അടൾഡ് താരം ഷക്കീലയുടെ ജീവിത കഥ പറയുന്ന ചിത്രത്തിന്റെ തിരക്കിലാണ് താരം. ഇന്ദ്രജിത്ത് ലങ്കേഷ് സംവിധാനം ചെയ്യുന്ന ചിത്രത്തിൽ ഷക്കീലയായി എത്തുന്നത് റിച്ച ഛദ്ദയാണ്. ഷക്കീല ഒരു പോൺ താരമല്ലെന്നും അവരുടെ ജീവിതത്തിൽ ആരും കാണാത്ത ചില സംഭവ വികാസങ്ങളും അവർ സഞ്ചരിച്ച യാത്രകളുമാണ് ഈ ചിത്രത്തിന്റെ പ്രമേയം. ഏറെ ആകാംക്ഷയോട് ജനങ്ങൾ കാത്തിരിക്കുന്ന ചിത്രമാണിത്