ആരാധകന്‍ കൈയ്യില്‍ ബ്ലേഡ് സൂക്ഷിച്ചു; അക്ഷയ് കുമാറിന്റെ കൈ കീറി മുറിഞ്ഞ സംഭവത്തെ കുറിച്ച് താരം പറഞ്ഞതിങ്ങനെ

2016 ലാണ് ഈ സംഭവങ്ങളൊക്കെ നടക്കുന്നത്. അന്ന് താരത്തിന് വിമാനത്താവളത്തില്‍ നിന്നും പുറത്ത് കടക്കുന്നതിന് വേണ്ടി അംഗരക്ഷകരെല്ലാം ചേര്‍ന്ന് ചെറിയൊരു നാടകം കളിച്ചിരുന്നു. അങ്ങനെ വിമാനത്താവളത്തില്‍ നിന്നും താരത്തെ പുറത്തേക്ക് കൊണ്ട് പോകുന്നതിനിടയില്‍ ഒരു ആരാധകന്‍ സെല്‍ഫി എടുക്കാന്‍ വേണ്ടി ശ്രമിച്ചു. ഇത് കണ്ട ഉടനെ അംഗരക്ഷകരില്‍ ഒരാള്‍ അദ്ദേഹത്തെ തടയുകയും മര്‍ദ്ദിക്കുകയും ചെയ്തു. ഈ വിഷയം അറിഞ്ഞ അക്ഷയ് കുമാര്‍ അസ്വസ്ഥനാവുകയും ആ ആരാധകനോട് സോഷ്യല്‍ മീഡിയയിലൂടെ പിന്നീട് മാപ്പ് പറയുകയും ചെയ്തിരുന്നു.

എന്നിരുന്നാലും ആരാധകരും അവരുടെ പെരുമാറ്റം ശ്രദ്ധിക്കണമെന്ന് പറയുകയും തന്റെ അംഗരക്ഷകന്റെ നിലപാടിനെ ശരി വെക്കുകയും ചെയ്തു. പിന്നീട് മാധ്യമങ്ങള്‍ക്ക് നല്‍കിയ വിശദീകരണത്തില്‍ ആരാധകരുടെ ഭാഗത്ത് നിന്നുണ്ടായ ഭയാനകമായ സംഭവത്തെ കുറിച്ചും അക്ഷയ് കുമാര്‍ വെളിപ്പെടുത്തി. ഒരിക്കല്‍ താന്‍ ആരാധകന് ഷേക്ക് ഹാന്‍ഡ് നല്‍കിയതായിരുന്നു. പെട്ടെ്‌നന് തന്റെ കൈയ്യില്‍ മുറിവുണ്ടായി. രക്തം വാര്‍ന്ന് പോവുകയും ചെയ്തു. ആരാധകനായ വ്യക്തി അയാളുടെ രണ്ട് വിരലുകളുടെ ഇടയില്‍ ചെറിയൊരു ബ്ലേഡ് തിരുകി വെക്കുകയും അതില്‍ കൈ തൊട്ടതോടെ മുറിവ് ആവുകയുമായിരുന്നു.

ഏകദേശം രണ്ടോ മൂന്നോ വര്‍ഷം മുന്‍പാണ് ഈ സംഭവം നടക്കുന്നത്. അന്ന് ഞാന്‍ നിരവധി ആളുകളുമായി ഷേക്ക് ഹാന്‍ഡ് നല്‍കി സൗഹൃദം പങ്കുവെച്ചിരുന്നു. പെട്ടെന്നാണ് എന്റെ കൈയില്‍ നിന്ന് രക്തം വരുന്നതായി ഞാന്‍ കണ്ടത്. അപ്പോഴാണ് ആരോ ഒരാള്‍ ബ്ലേഡുമായിട്ടാണ് വന്നതെന്ന് മനസിലാവുന്നത്. അങ്ങനെ എന്റെ കൈയ്യും മുറിഞ്ഞു. ഇനി എത്ര വലിയ ആരാധകര്‍ ആണെങ്കിലും ഇത്തരം കാര്യങ്ങളൊക്കെ നിങ്ങള്‍ ശ്രദ്ധിക്കണം. എന്നും അക്ഷയ് കുമാര്‍ പറഞ്ഞിരുന്നു.

Recommended Video

Nadirshah talks about Keshu Ee Veedinte Nathan

1990 കളില്‍ ബോളിവുഡിലെത്തിയ അക്ഷയ് കുമാര്‍ അതിവേഗമാണ് ഇന്ത്യയിലെ മുന്‍നിര നായകനായി മാറിയത്. ക്രിസ്തുമസിന് മുന്നോടിയായി ഡിസംബര്‍ ഇരുപത്തിനാലിന് റിലീസ് ചെയ്ത 'അത്രങ്കി റെ' എന്ന സിനിമയാണ് താരത്തിന്റേതായി അവസാനം എത്തിയ ചിത്രം. അതിന് മുന്‍പ് സൂര്യവന്‍ഷി എന്ന സിനിമയിലൂടെ പോലീസ് ഓഫീസറുടെ വേഷത്തിലെത്തി ഗംഭീര പ്രകടനം കാഴ്ച വെച്ചിരുന്നു.