ഒരു ആശുപത്രി മുഴുവൻ ബുക്ക് ചെയ്തു, അങ്ങനെ ചെയ്തത് എനിക്ക് വേണ്ടി, പഴയ സംഭവം ഓർമിച്ച് ഹേമ മാലിനി

മക്കളായ ഇഷ, അഹാന എന്നിവരെ പ്രസവിക്കുമ്പോള്‍ തനിക്കായി ഒരു ആശുപത്രി മുഴുവന്‍ ഭര്‍ത്താവ് ധര്‍മേന്ദ്ര ബുക്ക് ചെയ്തിരുന്നു. ആരാധകര്‍ കാരണം പ്രശ്‌നങ്ങളൊന്നും ഉണ്ടാവാതിരിക്കാനായിരുന്നു ഇതെന്നും ഹേമാ മാലിനി കപിൽ ഷോയിൽ പറഞ്ഞു. കൂടാതെ ബ്രെഡ് പോഹ എന്ന പലഹാരം ഉണ്ടാക്കാന്‍ പഠിച്ചതിനെ കുറിച്ചും ഹേമ മാലിനി ഷോയ്ക്കിടയിൽ വ്യക്തമാക്കിയിരുന്നു. കപിൽ ഷോയിൽ തന്നെ മകൾ ഇഷാ ഡിയോൾ സിനിമ കരിയറിനോടുള്ള ധർമേന്ദ്രയുടെ എതിർപ്പിനെ കുറിച്ചും താരം വെളിപ്പെടുത്തിയിരുന്നു.

ധർമേന്ദ്രയുടെ പ്രണയം നിരസിച്ചതിനെ കുറിച്ചും ഹോമമാലിനി വെളിപ്പെടുത്തിയിരുന്നു. പ്രണയം നിരസിച്ചതിനെ തുടർന്ന് താനുമായി അടുക്കാനുള്ള എല്ലാ വഴികളും അദ്ദേഹം നോക്കിരുന്നു. അതിനായി സെറ്റിലുളളവരെ പോലും ഉപയോഗിച്ചിരുന്നു. ഒടുവിുവിൽ അദ്ദേഹത്തോട് ഇഷ്ടമാണെന്ന് പറയേണ്ടി വന്നുവെന്നും ഡ്രീം ഗേൾ പറഞ്ഞു

മകൾ ഇഷ ഡിയോൾ അഭിനയിക്കുന്നതും നൃത്തം ചെയ്യുന്നതും അദ്ദേഹത്തിന് ഇഷ്ടമല്ലായിരുന്നുവെന്നും ഹേമ മാലിനി പറഞ്ഞു. എന്നാൽ ഇഷയ്ക്ക് ഡാന്‍സ് ചെയ്യുന്നതിനോടും അഭിനയിക്കുന്നതിനോടുമായിരുന്നു താൽപര്യം. എന്റെ മകൾ നൃത്തം ചെയ്യണ്ട എന്നായിരുന്നു അദ്ദേഹത്തിന്റെ വാദം.

ഞങ്ങള്‍ ഒരുമിച്ച് നൃത്തം ചെയ്യുമായിരുന്നു. പ്രൊഫഷണല്‍ ഡാന്‍സര്‍ ആകണമെന്നും ബോളിവുഡിലേക്ക് അരങ്ങേറണം എന്നുമായിരുന്നു അവളുടെ ആഗ്രഹം. എന്നാല്‍ തന്റെ മകള്‍ നൃത്തം ചെയ്യുന്നതോ അഭിനയിക്കുന്നതോ ധര്‍മേന്ദ്ര ഇഷ്ടപ്പെട്ടിരുന്നില്ല. 2002-ലാണ് ഇഷ ബോളിവുഡിലേക്ക് അരങ്ങേറ്റം കുറിക്കുന്നത്. ‘കോയി മേരെ ദില്‍ സെ പൂച്ചെ' ആണ് ആദ്യ ചിത്രം. ‘യുവ', ‘ധും', ‘നോ എന്‍ട്രി' എന്നിങ്ങനെ നിരവധി ചിത്രങ്ങളിൽ അഭിനയിച്ചിട്ടുണ്ട്.