രജനിയെ ആരാധിക്കാത്തവരുണ്ടോ: ഷാരൂഖ്

Updated: Monday, July 22, 2013, 15:12 [IST]

സ്റ്റൈല്‍ മന്നന്‍ രജനീകാന്തിന്റെ ആരാധകനല്ലാത്ത ആരെങ്കിലും ഉണ്ടോ? ചോദ്യം ബോളിവുഡിലെ കിംഗ് ഖാന്‍ ഷാരൂഖിന്റേതാണ്. ആരാധകരുടെ പ്രിയപ്പെട്ട തലൈവര്‍ക്ക് വേണ്ടി സമര്‍പ്പിക്കുന്ന ലുങ്കി ഡാന്‍സിന്റെ ഭാഗമാകും എന്നറിയിച്ച് സംസാരിക്കുകയായിരുന്നു ബോളിവുഡ് സൂപ്പര്‍ താരം.

രജനി സാറിന് സമര്‍പ്പിക്കാനായി പറ്റിയ പാട്ടാണിത്. ഇതിന്റെ ഭാഗമാകാന്‍ സന്തോഷമേയുള്ളൂ. പാട്ട് ഒരുക്കുന്ന ഹണി സിംഗും ഭുഷന്‍ കുമാറും താനുമായി ഇക്കാര്യം സംസാരിച്ചു എന്നും ഷാരൂഖ് പറഞ്ഞു. പാട്ട് കേട്ട ഷാരുഖ് ഖാന് സംഭവം വളരെ ഇഷ്ടമാകുകയും ചെയ്തിട്ടുണ്ടത്രെ.

ചെന്നൈ എക്‌സപ്രസിന്റെ വിഷയവുമായി ബന്ധമുള്ള പാട്ടാണിത്. എന്നാലും തന്റെ സിനിമയില്‍ ഈ പാട്ട് ഉണ്ടാകില്ല എന്നും ഷാരൂഖ് പറഞ്ഞു. ചെന്നൈ എക്‌സ്പ്രസിലെ നായിക ദീപിക പദുക്കോണും ഈ പാട്ടിലുണ്ടാകും. രോഹിത് ഷെട്ടിയുടെ ആക്ഷന്‍ - കോമഡി ചിത്രമായ ചെന്നൈ എക്‌സ്പ്രസ് ആഗസ്ത് 9 ന് തീയറ്ററുകളിലെത്തും.