ബിനു സദാനന്ദന്‍

ജീവചരിത്രം:  ചലച്ചിത്ര നിര്‍മ്മാതാവും, സംവിധായകനുമാണ് ബിനു എസ്. ഇതിഹാസ 2, സ്‌റ്റൈല്‍, കാമുകി എന്നിവയാണ് സംവിധാനം ചെയ്ത ചിത്രങ്ങള്‍. 2016ല്‍ പ്രദര്‍ശനത്തിനെത്തിയ സ്റ്റെല്‍ എന്ന ചിത്രത്തില്‍ ഉണ്ണി മുകുന്ദനും പ്രിയങ്കയുമാണ് പ്രധാന കഥാപാത്രങ്ങളെ അവതരിപ്പിച്ചത്. അസ്‌ക്കര്‍ അലി, അപര്‍ണ ബാലമുരളി എന്നിവരാണ് കാമുകി എന്ന ചിത്രത്തിലെ പ്രധാന അഭിനേതാക്കള്‍. ഹണി ബീ 2.5ലൂടെ സിനിമാലോകത്ത് അരങ്ങേറ്റം കുറിച്ച അസ്‌ക്കറിന്റെ രണ്ടാമത്തെ ചിത്രം കൂടിയാണ് കാമുകി. ഫസ്റ്റ് ക്ലാപ്പ് മൂവീസിന്റെ ബാനറില്‍ ഉന്‍മേഷ് ഉണ്ണികൃഷ്ണനാണ് ചിത്രം നിര്‍മ്മിച്ചത്. 2014ല്‍ പ്രദര്‍ശനത്തിനെത്തിയ ഇതിഹാസ എന്ന ചിത്രത്തിന്റെ രണ്ടാംഭാഗമാണ് ഇതിഹാസ 2. സൗബിന്‍ ഷആഹിര്‍, ഷൈന്‍ ടോം ചാക്കോ, അനുശ്രീ എന്നിവരാണ് ചിത്രത്തിലെ പ്രധാന അഭിനേതാക്കള്‍. കാമുകി എന്ന ചിത്രത്തിന്റെ നിര്‍മ്മാതാവു കൂടിയാണ് ബിനു.