കക്ക രവി

ജീവചരിത്രം:  പ്രശസ്ത തെന്നിന്ത്യന്‍ ചലച്ചിത്ര നടനാണ് കക്ക രവി. 1980ല്‍ പുറത്തിറങ്ങിയ നിഴല്‍കള്‍ എന്ന തമിഴ് ചിത്രത്തിലൂടെയാണ് ചലച്ചിത്രരംഗത്തേക്ക് കടന്നുവരുന്നത്. ആദ്യ ചിത്രത്തിലൂടെ തന്നെ തമിഴ് സിനിമയില്‍ തന്റേതായ സ്ഥാനം ഉണ്ടാക്കിയെടുക്കാന്‍ രവിക്കു കഴിഞ്ഞു. തുടര്‍ന്ന് നായകനായും, വില്ലനായും സ്വഭാവനടനായും അദ്ധേഹം തിളങ്ങി. 1982ല്‍ പുറത്തിറങ്ങിയ കക്ക എന്ന ചിത്രത്തിലൂടെയാണ് മലയാള ചലച്ചിത്രരംഗത്തേക്ക്‌ കടന്നുവരുന്നത്. തമിഴില്‍ നിഴല്‍കള്‍ രവി എന്ന പേരിലും മലയാളത്തില്‍ കക്ക രവി എന്ന പേരിലുമാണ് അദ്ധേഹം അറിയപ്പെട്ടത്. തമിഴിലും മലയാളത്തിലുമായി ഏതാണ്ട് നൂറോളം സിനിമകളില്‍ അഭിനയിച്ചിട്ടുണ്ട്. സിനിമകള്‍ക്കു പുറമെ സീരിയലുകളിലും അഭിനയിച്ചിട്ടുണ്ട്.  കൂടാതെ കോന്‍ ബനേഗാ കോര്‍പതി എന്ന ടെലിവിഷന്‍ പ്രോഗ്രാമിന്റെ തമിഴി പതിപ്പില്‍ അമിതാഭ് ബച്ചന് ശബ്ദം കൊടുത്തത് രവിയായിരുന്നു. കൂടാതെ പല നടന്മാര്‍ക്കും അദ്ധേഹം ശബ്ദം നല്‍കിയിട്ടുണ്ട്.