സായികുമാര്‍

30 Mar, 1963 |

Actor

ജീവചരിത്രം

മലയാളചലച്ചിത്ര രംഗത്തെ പ്രമുഖ നടനാണ്‌ സായ് കുമാർ. ഹാസ്യ താരമായി സിനിമയിൽ അരങ്ങേറ്റം കുറിച്ച അദ്ദേഹം വില്ലൻ കഥാപാത്രങ്ങളിലൂടെയാണ് ശ്രദ്ധിക്കപ്പെട്ടു തുടങ്ങിയത്. അനശ്വര നടൻ കൊട്ടാരക്കര ശ്രീധരൻ നായരുടെ മകൻ കൂടിയാണ് സായ് കുമാർ. 'വിടരുന്ന മൊട്ടുകൾ' എന്ന ചിത്രത്തിലൂടെ ബാലതാരമായിട്ടാണ് അദ്ദേഹം അഭിനയ ജീവിതത്തിന് തുടക്കം കുറിച്ചത്. പിന്നീട് സിദ്ധിഖ്-ലാൽ സംവിധാനം നിർവ്വഹിച്ച 'റാംജി റാവ് സ്പീക്കിംഗ്' (1989) എന്ന സൂപ്പർ ഹിറ്റ്‌ ചിത്രത്തിൽ പ്രധാന കഥാപാത്രത്തെ അവതരിപ്പിച്ചു. ദിലീപ് നായകനായ 'കുഞ്ഞിക്കൂനൻ' എന്ന ചിത്രത്തിൽ അദ്ദേഹം അവതരിപ്പിച്ച വാസു എന്ന കഥാപാത്രം സായ് കുമാറിന്റെ വില്ലൻ വേഷങ്ങളിൽ എടുത്തു പറയാവുന്ന ഒന്നാണ്.