വാസുദേവ് സനൽ

ജീവചരിത്രം:  ചലച്ചിത്ര സംവിധായകനാണ് വാസുദേവ് സനല്‍. 2013ല്‍ 'പ്ലെയേര്‍സ്' എന്ന ചിത്രം സംവിധാനം ചെയ്തു. അശോക് ശശി തിരക്കഥ രചിച്ച ചിത്രത്തില്‍ ജയസൂര്യ, നിഷാന്ത് സാഗര്‍, ജഗതി ശ്രീകുമാര്‍ എന്നിവരായിരുന്നു പ്രധാന താരങ്ങള്‍.  ചിത്രം വാണിജ്യപരമായി വലിയ വിജയം നേടിയില്ല. ആ ചിത്രത്തിനുശേഷം 2014ല്‍ 'ഗോഡ്‌സ് ഓണ്‍ കണ്‍ട്രി' എന്ന ചിത്രം സംവിധാനം ചെയ്തു. അരുണ്‍ ഗോപിനാഥ്, അനീഷ് ഫ്രാന്‍സിസ്, പ്രവീണ്‍ കുമാര്‍ എന്നിവര്‍ ചേര്‍ന്ന് തിരക്കഥ രചിച്ച ചിത്രത്തില്‍ ഫഹദ് ഫാസില്‍, ഇഷ തെല്‍വാര്‍, മൈഥിലി, ലാല്‍ എന്നിവരായിരുന്നു പ്രധാന അഭിനേതാക്കള്‍.ഒരേ ലക്ഷ്യത്തോടെ കൊച്ചിയിലെത്തുന്ന മൂന്നുപേരുടെ കഥയാണ് ചിത്രം പറയുന്നത്‌. ആന്റോ ജോസഫ് ഫിലിം കമ്പനിയുടെ ബാനറില്‍ ആന്റോ ജോസഫ് ആണ് ചിത്രം നിര്‍മിച്ചത്.