മഞ്ജു, പൃഥ്വി, ജയസൂര്യ, ഷെയിൻ! മോളിവുഡിൽ ക്രിസ്മസ് ആഘോഷങ്ങൾ തുടക്കം...

ഹൗ ഓൾഡ് ആർ യൂ എന്ന ചിത്രത്തിനു ശേഷം മഞ്ജു വാര്യർ- റോഷൻ ആൻഡ്രൂസ് കൂട്ട്ക്കെട്ടിൽ പുറത്തിറങ്ങുന്ന ചിത്രമാണ് പ്രതി പൂവൻ കോഴി. മാധുരി എന്ന സെയിൽസ് ഗേളിനെയാണ് മഞ്ജുവാര്യർ ചിത്രത്തിൽ അവതരിപ്പിക്കുന്നത് സംവിധായകൻ റോഷൻ ആൻഡ്രൂസ് തന്നെയാണ് ചിത്രത്തിൽ വില്ലൻ വേഷത്തിലെത്തുന്നത്. മഞ്ജുവാര്യർക്കൊപ്പം വൻ താരനിരയാണ് ചിത്രത്തിൽ അണിനിരക്കുന്നത്. മഞ്ജുവാര്യർക്കൊപ്പം അനുശ്രീ, സൈജു കുറുപ്പ്, ഗ്രേസ് ആന്റണി, അലൻസിയാർ, എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഉണ്ണി ആറിന്റെ പ്രശസ്തമായ കഥയാണ് പ്രതി പൂവൻ കോഴി ചിത്രത്തിന് തിരക്കഥ തയ്യാറാക്കിയിരിക്കുന്നതും ഇദ്ദേഹം തന്നെയാണ്.

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ഷെയിൻ നിഗം ചിത്രമാണ് വലിയ പെരുന്നാൾ. കോമഡിയ്ക്കും ആക്ഷനും റൊമാൻസിനും ഒരുപോലെ പ്രധാന്യനം നൽകിയാണ് ചിത്ര ഒരുക്കിയിരിക്കുന്നത്. സിനിമയിൽ പ്രൊഫഷണൽ ഡാൻസറായിട്ടാണ് ഷെയിൻ എത്തുന്നത്.വെബ് സീരീസിലൂടെ പ്രേക്ഷകർ സുപരിചിതയായ ഹിമിക ബോസാണ് ചിത്രത്തില നായിക. സൗബിൻ ഷാഹിർ, ജോജു ജോർജ്, അലൻസിയാർ തുടങ്ങിയ വൻ താരനിര ചിത്രത്തിൽ അണിനിരക്കുന്നുണ്ട്. അന്തരിച്ച പ്രശസ്ത നടൻ ക്യാപറ്റൻ രാജുവിന്റെ അവസാന ചിത്രം കൂടിയാണിത്. ഡിമൽ ഡെന്നീസാണ് ചിത്രത്തിന്റെ സംവിധായകൻ. പുറത്തു വന്ന ചിത്രത്തിന്റെ ട്രെയിലർ സോഷ്യൽ മീഡിയയിൽ സൂപ്പർ ഡ്യൂപ്പർ ഹിറ്റായിരുന്നു. മാജിക് മൗണ്ടിന്റെ ബാനറിൽ മോണിഷാ രാജീവും അൻവർ റഷീദും ചേർന്നാണ് ചിത്രം നിർമ്മിക്കുന്നത്.. സംവിധായകൻ ഡിമലും അബ്ദുൾ സലാമും ചേർന്നാണ് തിരക്കഥ ഒരുക്കിയിരിക്കുന്നത്. സംഗീതം റെക്സ് വിജയൻ.

ഹണി ബീ ടുവിന ശേഷം ലാൽ ജൂനിയർ സംവിധാനം ചെയ്യുന്ന ചിത്രമാണ് ഡ്രൈവിങ് ലൈസൻ. സച്ചി കഥ തയ്യാറാക്കിയിരിക്കുന്ന ചിത്രത്തിൽ ഒരു സൂപ്പർ സ്റ്റാറും ആരാധകനും തമ്മിലുള്ള ഇഗോയെ കുറിച്ചാണ് പറയുന്നത്.ഒരു ചെറിയ ഇടവേളയക്ക് ശേഷം പൃഥ്വിരാജും സുരാജും വീണ്ടും ഒന്നിക്കുന്ന ചിത്രമാണിത്. തേജാഭായ് ആൻഡ് ഫാമിലിയായിരുന്നു ഇരുവരുടേയും ഏറ്റവും ഒടുവിലായി പുറത്തു വന്ന ചിത്രം.

ആട് 2 ന്റെ വൻ വിജയത്തിനു ശേഷം ജയസൂര്യ-വിജയ് ബാബു ടീം ഒന്നിക്കുന്ന ചിത്രമാണ് തൃശൂർ പൂരം. ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത് സംഗീത സംവിധായകനായ രതീഷ് വേഗയാണ്. തെന്നിന്ത്യൻ താരം സ്വാതി റെഡ്ഡിയാണ് ജയസൂര്യയുടെ നായികയായി എത്തുന്നത്. നോർത്ത് 24 കാതമാണ ഏറ്റവും ഒടുവിൽ പുറത്തു വന്ന സ്വാതിയുടെ ചിത്രം. തൃശൂർ പൂരത്തിന്റെ പുറത്തു വന്ന ഗാനത്തിന് മികച്ച പ്രേക്ഷക സ്വീകാര്യതയാണ് ലഭിച്ചിരിക്കുന്നത്.