അബിയും ഷെയിനും ഒരുമിച്ച് അഭിനയിച്ച സിനിമ ഏതാണെന്നറിയുമോ? പൃഥ്വിരാജായിരുന്നു നായകന്‍!

അബിയും ഷെയിനും ഒരുമിച്ച് അഭിനയിച്ചിട്ടുണ്ട്

മിമിക്രിയില്‍ നിന്ന് സിനിമയിലേക്കെത്തിയ അബിയും മകന്‍ ഷെയിന്‍ നിഗവും ഒരുമിച്ച് അഭിനയിച്ചിട്ടുണ്ട്. പക്ഷേ ഇവര്‍ തമ്മില്‍ കോമ്പിനേഷന്‍ സീനുകളുണ്ടായിരുന്നില്ല. നായകന്റെ കുട്ടിക്കാല വേഷമാണ് ഷെയിന്‍ ചെയ്തത്.

ഏതാണ് ആ സിനിമ?

ജോര്‍ജ് വര്‍ഗീസ് സംവിധാനം ചെയ്ത താന്തോന്നി എന്ന സിനിമയില്‍ ഷെയിനും അബിയും അഭിനയിച്ചിട്ടുണ്ട്. അച്ഛനും മകനും ഒരേ സിനിമയില്‍ അഭിനയിച്ചിട്ടുണ്ടെന്ന കാര്യത്തെക്കുറിച്ച് അധികമാര്‍ക്കും അറിയില്ല.

കോമ്പിനേഷന്‍ സീനുകളില്ല

നായകനായ വടക്കന്‍ വീട്ടില്‍ കൊച്ചുകുഞ്ഞിന്റെ കുട്ടിക്കാലമാണ് ഷെയിന്‍ അവതരിപ്പിച്ചത്. പൃഥ്വിരാജ് നായകനായെത്തിയ ചിത്രത്തില്‍ വില്ലനായാണ് അബി എത്തിയത്.

താന്തോന്നിയിലേക്ക് എത്തിയത്

അമൃത ടിവിയിലെ സൂപ്പര്‍ ഡാന്‍സര്‍ ജൂനിയര്‍ പരിപാടിയില്‍ ഷെയിന്‍ പങ്കെടുത്തിരുന്നു. സെമി ഫൈനല്‍ വരെ എത്തിയിരുന്നു. അതിലൂടെയാണ് കുട്ടിച്ചാത്തന്‍ സീരിയലില്‍ അഭിനയിക്കാന്‍ അവസരം ലഭിച്ചത്. അതിന് ശേഷമാണ് താന്തോന്നിയിലേക്ക് ഷെയിനെ തിരഞ്ഞെടുത്തത്.

മകനെ അംഗീകരിക്കുന്നത് കണ്ടു

സിനിമയിലെത്തിയപ്പോള്‍ തനിക്ക് അര്‍ഹിച്ചത്ര പ്രാധാന്യം ലഭിച്ചില്ലെങ്കിലും തന്റെ മകന് കിട്ടുന്ന സ്വീകാര്യതയും സിനിമകളും അബിയെ സന്തോഷിപ്പിച്ചിരുന്നു. മകന്റെ അഭിനയമികവിനുള്ള പുരസ്‌കാരം സമ്മാനിച്ചത് അബി തന്നെയായിരുന്നു.

വീഡിയോ വൈറലാവുന്നു

ദോഹയില്‍ വെച്ച് ഷെയിനിന് അബി അവാര്‍ഡ് സമ്മാനിക്കുന്ന വീഡിയോ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.