ആരാണ് രാത്രി കുങ് ഫു പടം കാണാൻ വരുന്നതെന്ന് അറിയാനൊരു ആകാംഷ; വന്നത് ഒരു ചെറുപ്പക്കാരിയും, ഏബ്രിഡ് ഷൈന്‍

ഏബ്രിഡ് ഷൈന്റെ കുറിപ്പ് വായിക്കാം...

മിക്കവാറും എല്ലാരും പുതിയ ആര്‍ട്ടിസ്റ്റ്കള്‍ ആയിരുന്നത് കൊണ്ട് തന്നെ പടത്തിനു ആളുകള്‍ കേറാനും മറ്റ് ബിസിനസുകള്‍ നടക്കാനും ബുദ്ധിമുട്ടായിരിക്കും എന്ന് മുന്‍കൂട്ടി കണ്ടു കഥ തിരക്കഥ സംഭാഷണം സംവിധാനം മാത്രമല്ല ആര്‍ട്ട് കോസ്റ്റും മേക്കപ്പ് എന്ന് വേണ്ട ആക്ഷന്‍ ഡയറക്ഷന്‍ വരെ നിര്‍വഹിച്ച പടം ആണ് കുങ് ഫു മാസ്റ്റര്‍..

എന്തായാലും 120 തിയേറ്ററില്‍ റിലീസ് ചെയ്തു. ആള് കേറിയ സ്ഥലത്തൊക്കെ ഇടിയുടെ സമയത്തു കൈയടി കിട്ടിയത് വലിയ കാര്യം പടം വാങ്ങിയ ഏഷ്യാനെറ്റിന് നന്ദി. ഇപ്പോള്‍ ആമസോണ്‍ പ്രൈമില്‍ ഉണ്ട്. എന്റെ പടം ആദ്യമായിട്ടാണ് വേറെ ഭാഷയില്‍ ഡബ്ബ് ചെയ്യുന്നത്. ഹിന്ദിയില്‍ ഡബ്ബ് വേര്‍ഷന്‍ ഇറങ്ങി ഒരാഴ്ച്ച ആയി. 80 ലക്ഷത്തിനു മുകളില്‍ ആള്‍ക്കാര്‍ കണ്ടു ഇപ്പോഴും കാണുന്നു. പടത്തിനു അഭിപ്രായവ്യത്യാസം ഉള്ളവരും ഉണ്ട്.

ഇടി ഇഷ്ടപ്പെട്ടവരും ഉണ്ട്. എന്തായാലും പടത്തില്‍ നല്ല ഇടീം ഇടീടെ ഒച്ചയും മ്യൂസിക് ഉം നല്ല ലൊക്കേഷനും ഇഷ്ടം പോലെ ഉണ്ടെന്നാണ് വിശ്വാസം. വെള്ളിയാഴ്ച പടം മാറും എന്ന് അറിയാവുന്ന കൊണ്ട് രണ്ടാമത്തെ വാരം വ്യാഴാഴ്ച സെക്കന്റ് ഷോ കാണാന്‍ പോയി. തീരെ മോശം ആയിരുന്നില്ല. ഒരു 30 ശതമാനം ആള്‍ക്കാര്‍ ഉണ്ടായിരുന്നു. ആളുകള്‍ വരുന്നത് നോക്കി ഞാന്‍ ഡോറിന്റെ അടുത്ത് നിന്നു. ആരാണ് രാത്രി കുങ് പടം കാണാന്‍ വരുന്നത് എന്ന് അറിയാന്‍ ഒരാകാംഷ.

Recommended Video

സത്യമേതാ-കള്ളമേതാ? ഭ്രാന്തായി സിനിമാതാരങ്ങളും | FilmiBeat Malayalam

ഒരു ചെറുപ്പക്കാരി എന്നെ കണ്ട് ഓടി വന്ന് പറഞ്ഞു. നിങ്ങളുടെ പേര് കണ്ടത് കൊണ്ട് മാത്രം വന്നതാണ് കേട്ടോ. വലിയ സന്തോഷം തോന്നി പറഞ്ഞു വന്നത് പുതിയ ആളുകള്‍ ആയിരുന്നു മിക്കവാറും പേര്‍. പൂമരത്തില്‍ അഭിനയിച്ച നീതയും മ്യൂസിക് ഡയറക്ടര്‍ സൂരജ് ഉം ഒഴിച്ച് ബാക്കി മിക്കവരും ഷൂട്ട് തന്നെ കാണുന്നത് ആദ്യം. അങ്ങനെ പുതുതായി വന്നവരില്‍ ഒരാള്‍ ആയിരുന്നു സനൂപ്. സനൂപിന്റെ ഇന്റര്‍വ്യൂ ആദ്യമായി പബ്ലിഷ് ചെയ്തു വന്നത് കണ്ടപ്പോള്‍ ഷെയര്‍ ചെയ്യാന്‍ തോന്നി.