എഴുന്നേറ്റ് നില്‍ക്കാന്‍ പോലും സാധിക്കാത്ത വിധത്തില്‍ ഒറ്റപ്പെട്ട് പോയി, നേരിട്ട പ്രതിസന്ധിയെ കുറിച്ച് ബാല

സിനിമയിൽ തന്നെ ഒരുപാട് പേർ ഒതുക്കാൻ ശ്രമിച്ചെങ്കിലും നല്ല വ്യക്തികൾ ഉണ്ടെന്നും ബാല പറയുന്നു. രണ്ടാം വരവിവൽ തന്നെ സഹായിച്ചത് മോഹൻലാലും സംവിധായകൻ വൈശാഖുമാണെന്ന് ബാല അഭിമുഖത്തിൽ പറഞ്ഞു. ഒരു ഇടവേളയ്ക്ക് ശേഷം ബാല മലയാളത്തിൽ തിരികെ എത്തിയത് മോഹൻലാലിന്റെ ഹിറ്റ് ചിത്രമായ പുലിമുരുകനിലൂടെയാണ്.
നടന്റെ വാക്കുകൾ ഇങ്ങനെ...മോഹന്‍ലാല്‍, വൈശാഖ് എന്നിവരാണ് എന്നെ പുലിമുരുകനില്‍ അഭിനയിക്കാന്‍ വിളിക്കുന്നത്. അന്ന് ഞാന്‍ പറഞ്ഞു, ഇത്രയും പ്രശ്‌നങ്ങളുള്ള ഒരു വ്യക്തിയാണ് ഞാന്‍. ഇത്രയും വലിയൊരു സിനിമയില്‍ ഞാന്‍ ഭാഗമാകുന്നത് ശരിയാണോ എന്ന് ചോദിച്ചു.

ഞാന്‍ വിളിച്ചത് ബാല എന്ന നടനെയാണ്, നിങ്ങളുടെ കഴിവ് കൊണ്ടാണ്. അല്ലാതെ നിങ്ങളുടെ വ്യക്തിപരമായ കാര്യങ്ങള്‍ എനിക്ക് വിഷയമല്ല. കഥപാത്രം നിങ്ങള്‍ക്ക് ചേരുമെന്നാണ് വൈശാഖ് പറഞ്ഞത്. അത് തന്നെയാണ് മോഹന്‍ലാലിന്റെയും അഭിപ്രായമെന്നും പറഞ്ഞു. അങ്ങനെയാണ് ഒരു ഇടവേളയ്ക്ക് ശേഷം ഞാന്‍ അഭിനയിക്കുന്നത്. ഒരു ഭാഗത്ത് ചിലര്‍ നമ്മളെ താഴ്ത്താന്‍ നോക്കിയാലും, സിനിമയില്‍ നമ്മളെ കാത്ത് കൊണ്ട് പോകാന്‍ നല്ല മനസുള്ള വ്യക്തികളും ഉണ്ട്, നടൻ പറഞ്ഞു.

എനിക്ക് ഒരുപാട് ഫാന്‍സോ, സുഹൃത്തുക്കളോ വേണ്ട. പക്ഷെ ജീവിതത്തിലെന്തെങ്കിലും ലക്ഷ്യങ്ങള്‍ ഉള്ളവരായിരിക്കണം എന്ന് മാത്രം. ആത്മാര്‍ത്ഥമായ കുറച്ച് സൂഹൃത്തുക്കള്‍ മതി. ജീവീതത്തില്‍ തന്നെ ഒരു കാര്യത്തില്‍ മാത്രം തകര്‍ക്കാന്‍ എളുപ്പമല്ല. പക്ഷെ എനിക്ക് എല്ലാ ഭാഗത്തുനിന്നും അടി കിട്ടി. വ്യക്തി ജീവിതം, സിനിമ ജീവിതം കൂടാതെ അപകടവും സംഭവിച്ചു. അതിനൊപ്പം ഒറ്റപ്പെടുകയും ചെയ്തു. എഴുന്നേറ്റ് നില്‍ക്കാന്‍ പോലും സാധിക്കാത്ത വിധത്തില്‍ ഒറ്റപ്പെട്ട് പോയി. അന്ന് എന്നെ ചെന്നൈ ആശുപത്രിയില്‍ കൊണ്ട് പോയി ചികിത്സയ്ക്ക് വേണ്ട കാര്യങ്ങളെല്ലാം ചെയ്തത് നടന്‍ അജിത്താണെന്നും ബാല അഭിമുഖത്തില്‍ പറഞ്ഞു.

Recommended Video

ഒരുപാട് സങ്കടങ്ങളുണ്ടായി ജീവിതത്തില്‍ ആര്‍ക്കും ഒരു പാപവും ചെയ്തിട്ടില്ല

ലോക്ക് ഡൗണിന് ശേഷം സിനിമയിൽ സജീവമാകാൻ തയ്യാറെടുക്കുകയാണ് ബാല. 2019 ൽ പുറത്തിറങ്ങിയ ചിത്രമാ. ഫാൻസി ഡ്രാസ്സാണ് ഏറ്റവും ഒടുവിൽ പുറത്തിറങ്ങിയ നടന്റെ മലയാള ചിത്രം. തമ്പിയാണ് ബാലയുടെ തമിഴ് ചിത്രം. മമ്മൂട്ടിചിത്രമായ ബിലാലിനായി തയ്യാറെടുക്കുകയാണ് നടൻ ഇപ്പോൾ. ബിലാലിന്റെ ചിത്രീകരണം ഈ വർഷം ആരംഭിക്കുമെന്നാണ് ലഭിക്കുന്ന സൂചന.